تۇركىستان وبلىستىق ءماسليحاتىنىڭ كەزەكتەن تىس ءحى سەسسياسى ءوتىپ، 31 ازاماتقا "تۇركىستان قالاسىنىڭ قۇرمەتتى ازاماتى" اتاعى بەرىلدى، دەپ حابارلايدى "ادىرنا" ۇلتتىق پورتالى.
ءماسليحات توراعاسى، وبلىس اكىمىنىڭ ورىنباسارلارى، دەپۋتاتتار جانە باسقارما باسشىلارى، اۋدان اكىمدەرى قاتىسقان جيىندا وڭتۇستىكتىڭ دامۋىنا ۇلەس قوسقان مەملەكەتتىك قىزمەت، دەنساۋلىق ساقتاۋ، قوعامدىق قىزمەت جانە اۋىل شارۋاشىلىعى جۇيەسىندە ەڭبەك ەتكەن 31 ازامات قۇرمەتكە لايىق دەپ تانىلدى.
ول قاتاردا تۇركىستان وبلىسى قۇرىلعاندا اكىم بولعان، قوعام قايراتكەرى ومىرزاق شوكەەۆ تە بار.
ومىرزاق شوكەەۆ 1964 جىلى تۇركىستان قالاسىندا تۋعان. تۇركىستان وبلىسىن ەكى رەت باسقارعان، مەملەكەتتىك قىزمەتتىڭ بىرقاتار سالاسىنا باسشىلىق ەتكەن.
ومىرزاق ەستايۇلى وبلىستى باسقارعان شاقتا ارىستا اپات بولىپ، ماقتاارالدى سۋ باستى. ونى جەرگىلىكتى جۇرتشىلىق «كريزيستىك كەزەڭنەن» شىعا العان اكىم رەتىندە باعالايدى.
شوكەەۆكە "قۇرمەتتى ازامات" اتاعى 2018 جىلى جەكە وبلىس رەتىندە قۇرىلعان تۇركىستاننىڭ قالىپتاسۋى مەن دامۋى جولىندا وزىندىك قولتاڭباسىن قالدىرعانى ءۇشىن بەرىلگەنى حابارلاندى.
اباي اسىل
ادىرنا ۇلتتىق پورتالى
