استانادا «اجار» ساۋدا ۇيىندەگى ءورت ءسوندىرىلدى، دەپ حابارلايدى “ادىرنا” ۇلتتىق پورتاليا توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەپ.
«ءورت 80 شارشى مەتر اۋماققا لوكاليزاتسيالاندى. جاڭارتىلعان اقپارات بويىنشا ءورت 60 شارشى مەتر اۋماقتا تولىعىمەن ءسوندىرىلدى»، - دەلىنگەن حابارلامادا.
حابارلانعانداي، استانا قالاسى توتەنشە جاعدايلار دەپارتامەنتىنىڭ كۇشتەرى مەن قۇرالدارى وقيعا ورنىنا جەتكەن كەزدە، بايقوڭىر اۋدانىنداعى ەكى قاباتتى «اجار» ساۋدا ۇيىندەگى ءۇش ساۋدا بۋتيگىندە ءورت شىققانى انىقتالدى.
قۇرباندار مەن زارداپ شەككەندەر جوق. ءورتتىڭ شىعۋ سەبەبى انىقتالۋدا.
ءورتتى اۋىزدىقتاۋعا توتەنشە جاعدايلار مينيسترلىگىنىڭ جەكە قۇرامىنىڭ 65 ادامى مەن 14 تەحنيكاسى جۇمىلدىرىلدى.
وقيعا ورنىندا تەرگەۋشىلەر جۇمىس ىستەپ جاتىر.
