الماتى وبلىسى جامبىل اۋدانىنىڭ بەرىكتاس اۋىلىندا تولاسسىز جاۋعان جاڭبىردان كەيىن سەل ءجۇردى. بۇل تۋرالى 15 شىلدەدە توتەنشە جاعدايلار مينيسترلىگى ايتتى، دەپ حابارلايدى «ادىرنا» ءتىلشىسى.
تجم مالىمەتىنشە، 15 اۋلا اۋماعى مەن 3 تۇرعىن ءۇيدى سۋ باسقان.
«ينەرتتى ماتەريال سالىنعان 2 مىڭ قاپشىق دايىندالدى. سونىمەن قاتار سۋ باسقان اۋماقتاردان سۋدى سورۋ جانە لايدان تازارتۋ، ارىق جۇيەلەرىن تەرەڭدەتۋ جۇمىستارى جۇرگىزىلۋدە، جاعدايعا مونيتورينگ جالعاسۋدا»،—دەلىنگەن حابارلامادا.
ايتا كەتەيىك، جۇمىستارعا تجد، جەرگىلىكتى اتقارۋشى ورگانداردىڭ، تجم 28237 اسكەري ءبولىمىنىڭ جەكە قۇرامىنان 100-دەن استام ادام، 11 موتوپومپا مەن 16 بىرلىك تەحنيكا جۇمىلدىرىلعان.
بۇعان دەيىن قىرعىزستاندا سەل جۇرگەنىن جازعان ەدىك. سوڭعى مالىمەتتەر بويىنشا، توعىز ادام قازا تاپتى، ونىڭ تورتەۋى – قازاقستاندىق بالا.
