قر ءتسدياوم جاساندى ينتەللەكت جانە يننوۆاتسيالاردى دامىتۋ كوميتەتىنىڭ توراعاسى تاعايىندالدى. بۇل تۋرالى ۇكىمەتتىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
"قازاقستان رەسپۋبليكاسى تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترىنىڭ بۇيرىعىمەن عيززات سەيداحمەتۇلى بايتۇرسىنوۆ ۆەدومستۆونىڭ جاساندى ينتەللەكت جانە يننوۆاتسيالاردى دامىتۋ كوميتەتىنىڭ توراعاسى قىزمەتىنە تاعايىندالدى", - دەلىنگەن حابارلامادا.
عيززات بايتۇرسىنوۆ 1994 جىلى شىمكەنت قالاسىندا دۇنيەگە كەلگەن. مالايزيانىڭ ازيا-تىنىق مۇحيتى تەحنولوگيالار جانە يننوۆاتسيالار ۋنيۆەرسيتەتىن، د.ا. قوناەۆ اتىنداعى ەۋرازيا زاڭ اكادەمياسىن بىتىرگەن.
ەڭبەك جولىن جەكە كومپانيادا باعدارلاماشى بولىپ باستاعان.
2019 جىلى "جاستار پراكتيكاسى" باعدارلاماسى بويىنشا قر تسيفرلىق دامۋ، قورعانىس جانە اەروعارىش ونەركاسىبى مينيسترلىگىنىڭ ەلەكتروندىق ونەركاسىپتى دامىتۋ دەپارتامەنتىندە جۇمىس ىستەگەن.
2020-2023 جىلدارى — تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ ەلەكتروندىق ونەركاسىپتى جانە تسيفرلىق اكتيۆتەر يندۋسترياسىن دامىتۋ دەپارتامەنتىنىڭ ساراپشىسى، باس ساراپشىسى، باسقارما باسشىسى، ديرەكتوردىڭ ورىنباسارى.
2023 جىلدان باستاپ قازىرگى ۋاقىتقا دەيىن – قر ءتسدياوم ەلەكتروندىق ونەركاسىپتى جانە تسيفرلىق اكتيۆتەر يندۋسترياسىن دامىتۋ دەپارتامەنتىنىڭ ديرەكتورى.
