قازاقستان ۇلتتىق وليمپيادا كوميتەتى پرەزيدەنتىنىڭ جالاقىسىنا قاتىستى اقپاراتتار الەۋمەتتىك جەلىدە تاراپ كەتتى، دەپ حابارلايدى "ادىرنا" ۇلتتىق پورتالى.
وليمپيادا كوميتەتى بۇل اقپاراتقا قاتىستى تولىق تۇسىنىكتەمە بەردى. كوميتەت مالىمەتىنشە، سپورتشى ءوز قىزمەتىن ەرىكتى تۇردە اتقارىپ ءجۇر.
"ونىڭ قىزمەتىنە اقشا تولەنبەيدى. ونىڭ موتيۆاتسياسىنىڭ قاراجاتقا دا، ساياسي مانساپقا دا قاتىسى جوق.
ءوز قىزمەتىنە كىرىسكەن بويدا گەننادي گولوۆكين ۇوك-ءتىڭ مەملەكەتتىك بيۋدجەت اقشاسىنا ۇمىتتەنبەيتىنىن اشىق ايتقان. ۇيىمنىڭ قىزمەتى گ. گولوۆكيننىڭ قاتىسۋىمەن تارتىلعان دەمەۋشىلەر قاراجاتى ەسەبىنەن جۇزەگە اسۋدا. جالعان اقپارات تاراتۋشىلار قر زاڭىنا سايكەس جاۋاپقا تارتىلاتىنىن، ناقتىلاپ ايتار بولساق، قر قك 274 بابىنا ساي قىلمىستىق جاۋاپكەرشىلىككە تارتىلاتىنىن ەستەرىڭىزگە سالامىز", - دەلىنگەن ۇلتتىق وليمپيادا كوميتەتىنىڭ حابارلاماسىندا.
