اقش پرەزيدەنتى دونالد ترامپ ءوزىنىڭ Truth Social جەلىسىندەگى پاراقشاسىندا ۆەنەسۋەلا ليدەرى نيكولاس مادۋرونىڭ ۇرلانۋدان كەيىنگى العاشقى سۋرەتىن جاريالادى، دەپ حابارلايدى "ادىرنا" ۇلتتىق پورتالى.
سۋرەتتە مادۋرو USS Iwo Jima اسكەري كەمەسىندە وتىرعان كۇيى بەينەلەنگەن. ول سۇر سپورت كوستيۋمىن كيگەن، بەتىندە قارا ماسكا بار جانە قولىندا سۋ بوتەلكەسىن ۇستاپ تۇر.
سونىمەن قاتار، CBS تەلەارناسىنىڭ ءجۋرناليستى دجەننيفەر دجەيكوبس حابارلاعانداي، مادۋرو وتىرعان اسكەري ۇشاق سەنبى كۇنى نيۋ-يوركتىڭ ستيۋارت حالىقارالىق اۋەجايىنا قونادى دەپ كۇتىلۋدە.
"ۆەنەسۋەلا ليدەرى اقش فەدەرالدىق ورگاندارىنا تاپسىرىلادى", - دەپ جازدى جۋرناليست X الەۋمەتتىك جەلىسىندە.
بۇل وقيعا ۆەنەسۋەلا مەن اقش اراسىنداعى قاقتىعىستىڭ جاڭا كەزەڭىنە ءوتىپ، حالىقارالىق قاۋىمداستىق نازارىن اۋدارتىپ وتىر.
