بالالارعا بۇرىش سپرەيىمەن شابۋىل جاساعان ءجاسوسپىرىم قازاقستان مەن رەسەي شەكاراسىنان ءوتىپ بارا جاتقاندا ۇستالدى. بۇل تۋرالى اقتوبە وبلىسىنىڭ پوليتسيا دەپارتامەنتىنىڭ ءباسپاسوز قىزمەتى جاريالادى، دەپ حابارلايدى “ادىرنا” ۇلتتىق پورتالى.
«جەدەل ىزدەستىرۋ ءىس-شارالارىنىڭ ناتيجەسىندە اقتوبە وبلىسىنىڭ پوليتسيا قىزمەتكەرلەرى شەكارانى كەسىپ وتپەك بولعان كامەلەتكە تولماعان كۇدىكتىنى ۇستادى»، - دەپ حابارلادى اقتوبە وبلىسىنىڭ پوليتسيا دەپارتامەنتىنىڭ ءباسپاسوز قىزمەتى.
14 جاستاعى ءجاسوسپىرىم باسقا بالالارعا قارسى بۇرىش سپرەيىن قولدانىپ، بۇزاقىلىق جاساعانى ءۇشىن ىزدەۋدە بولدى.
بالا اناسىمەن رەسەيدە، ساراتوۆ وبلىسىندا تۇرادى ەكەن. mk.ru سايتىنىڭ مالىمەتىنشە، ءجاسوسپىرىم اكەسىمەن بىرگە قازاقستاندا دەمالىپ جۇرگەن.
«ول ۇيىنە ورالعان سوڭ، ساراتوۆ پوليتسياسى ونىمەن پروفيلاكتيكالىق جۇمىس جۇرگىزەدى»، - دەپ حابارلادى ساراتوۆ وبلىسى بويىنشا ىشكى ىستەر مينيسترلىگى.
ايتا كەتەيىك، الەۋمەتتىك جەلىدە جاس جىگىت ەكى كىشكەنتاي بالاعا جاقىنداپ، ولاردىڭ بەتىنە بۇرىش سپرەيىن شاشىپ جاتقان ۆيدەو تاراعان.
