استانادا «گازەل» كولىگى سامميتكە كەلگەن قوناقتاردىڭ كورتەجىنىڭ الدىندا توقتاپ قالدى، دەپ حابارلايدى "ادىرنا" ۇلتتىق پورتالى.
شىۇ ءسامميتى كەزىندە كوشەلەردى ارالاپ، جول-كولىك قوزعالىسىن رەتتەپ جۇرگەن پوليتسيا قىزمەتكەرلەرى داڭعىلدا توقتاپ قالعان كولىككە كومەككە كەلدى.
تانىمال تاتتىلەر فابريكاسىنىڭ لوگوتيپى بار «گازەل» استانانىڭ سول جاعالاۋىنداعى كوشەلەردىڭ بىرىندە جولدى توقتاتىپ، كولىك قوزعالىسىن جاۋىپ قالا جازداعان. ونىڭ ۆيدەوسى الەۋمەتتىك جەلىدە تاراپ كەتتى.
«ءار جارتى ساعات سايىن باستى كوشە كورتەجدەر ءۇشىن تازارتىلادى، بىراق ءبىر ساتتە گازەل توقتاپ قالدى». پوليتسيا ونى وزدەرى يتەرمەلەۋگە ءماجبۇر بولدى. جىگىتتەرگە بونۋس»، - دەپ جازدى استانالىق ءوزى تۇسىرگەن ۆيدەونىڭ استىنا.
جەلىدە تاراعان بەينەگە پىكىر جازعاندار دا جاعدايدى ازىلگە اينالدىرعان.
"ۇيات بولىپتى", "جۇرگىزۋشى ابدەن ۋايىمداپ كەتكەن شىعار", "قوناعى كەلگەن ءۇي", "پوليتسيالار جارادى", - دەلىنگەن پىكىرلەردە.
