قوستانايدا جەدەل جاردەم كولىگىنىڭ قاتىسۋىمەن جول-كولىك وقيعاسى (جكو) بولدى، دەپ حابارلايدى “ادىرنا” ۇلتتىق پورتالى الاۋ سايتىنا سىلتەمە جاساپ.
«2 شىلدەدە قوستاناي قالاسىندا بايماعامبەتوۆ-دوششانوۆا كوشەلەرىنىڭ قيىلىسىندا 37 جاستاعى جەدەل جاردەم جۇرگىزۋشىسى دىبىس سيگنالىنسىز جىپىلىقتايتىن شامدارىمەن ءجۇرىپ كەلە جاتىپ، كولىك قوزعالىسىنىڭ قاۋىپسىزدىگىنە كوز جەتكىزبەستەن، تىيىم سالىنعان باعدارشامنىڭ قيىلىسىنان ءجۇرىپ وتكەن. سالدارىنان 21 جاستاعى جۇرگىزۋشى باسقارعان Audi ماركالى اۆتوكولىگىمەن سوقتىعىستى. اپات سالدارىنان جەدەل جاردەم كولىگى شام باعاناسىنا سوعىلدى»، - دەلىنگەن حابارلامادا.
وقيعا سالدارىنان جۇرگىزۋشى مەن جەدەل جاردەم فەلدشەرى ءتۇرلى دەنە جاراقاتتارىن العانى حابارلاندى.
«بۇل فاكتى بويىنشا پوليتسيا اكىمشىلىك ءىس قوزعادى»، - دەلىنگەن حابارلامادا.
