بۇگىن، 1 شىلدەدە قىرعىزستاندا قازا تاپقان قازاقستاندىق بالالاردىڭ دەنەلەرى ارنايى بورتپەن ەلگە جەتكىزىلدى. بۇل تۋرالى شقو اكىمدىگىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
بۇعان دەيىن وش وبلىسىنىڭ نووكات اۋدانىندا سەلدەن قازا بولعان اۋىل تۇرعىندارى مەن تۋريستەر اراسىندا شىعىس قازاقستاننىڭ 4 بالاسى بار ەكەنىن جازعان ەدىك.
قايعىلى وقيعا بولعان كۇنى ەكى ۇل مەن ەكى قىز انالارىمەن تۋىستارىنا قوناققا بارعان. تۋريستىك ايماقتا جۇرگەن سەل ولاردىڭ ءومىرىن قيىپ كەتتى.
«ءوڭىر باسشىسى ەرمەك كوشەرباەۆ قازا تاپقانداردىڭ تۋىستارىمەن كەزدەستى. وسى قيىن كۇندەردە جەرگىلىكتى اتقارۋشى ورگاندار مەن «حاليفا التاي» مەشىتىنىڭ قىزمەتكەرلەرى جەرلەۋ ءراسىمىن ۇيىمداستىپ، وتكىزۋدى ءوز مويىندارىنا الدى. ءوڭىردىڭ كاسىپورىندارى مەن بيزنەس وكىلدەرى وتباسىلارعا كومەك كورسەتۋگە دايىن ەكەندىكتەرىن ءبىلدىردى»،—دەپ جازدى اكىمدىكتىڭ ءباسپاسوز قىزمەتى.
ەسكە سالايىق، 28 ماۋسىمدا قىرعىزستاندا قاتتى جاۋعان جاڭبىردىڭ سالدارىنان وش وبلىسىنىڭ نووكات اۋدانىندا جويقىن سەل جۇرگەن ەدى. كابار اگەنتتىگىنىڭ مالىمەتىنشە، توتەنشە جاعداي سالدارىنان مەرت بولعاندار سانى 9 ادامعا جەتتى.
