كوميسسيا قازاقستاننىڭ ۇلتتىق قاۋىپسىزدىك كوميتەتى (ۇقك) تىكۇشاعىنىڭ قىتايمەن شەكاراعا قاتتى ەكپىنمەن قونۋ سەبەبىن انىقتاپ جاتىر، دەپ حابارلايدى “ادىرنا” ۇلتتىق پورتالى قازتاگ اگەنتتىگىنە سىلتەمە جاساپ.
بۇعان دەيىن «وردا» باسىلىمى دەرەككوزگە سىلتەمە جاساپ، ۇقك تىكۇشاعى قىتاي اۋماعىنداعى دوستىق ستانساسى ماڭىنداعى قازاقستان-قىتاي شەكاراسىنا قاتتى ەكپىنمەن قونعانىن جازعان ەدى.
بۇل تۋرالى ۇقك ءباسپاسوز قىزمەتى پىكىر ءبىلدىردى.
«بۇل فاكت راستالدى. اۋىر جاراقاتتار بولعان جوق. وقيعانىڭ سەبەپتەرىن ۆەدومستۆوارالىق كوميسسيا تەكسەرىپ جاتىر»، - دەدى بۇگىن ۇقك ءباسپاسوز قىزمەتى.
