12 ماۋسىمدا ۇلتتىق قاۋىپسىزدىك كوميتەتىنىڭ توراعاسى ەرمەك ساعىمباەۆتىڭ باسشىلىعىمەن تەرروريزمگە قارسى ورتالىقتىڭ كەزەكتى وتىرىسى ءوتتى، دەپ حابارلايدى «ادىرنا» ءتىلشىسى.
جيىندا شەتەلدىك راديكالداردىڭ ەنۋ قاۋپىن جويۋ، ەكسترەميزم مەن تەرروريزمنىڭ الدىن الۋ، سونداي-اق وسال وبەكتىلەردى تەرروريزمگە قارسى قورعاۋ ماسەلەلەرى قارالدى.
ۇقك جىل باسىنان باستاپ قازاقستاندا 1 تەررورلىق شابۋىلدىڭ الدىن الىپ، 26 ادام تەرروريستىك جانە ەكسترەميستىك قىزمەتى ءۇشىن سوتتالعانىن اتاپ ءوتتى.
«ەكسترەميزم مەن تەرروريزمگە قاتىسى بار 151 شەتەلدىك ازاماتتىڭ ەلگە كىرۋىنە جول بەرىلمەدى. رەسپۋبليكاعا تىيىم سالىنعان ءدىني ادەبيەتتەردى اكەلگەنى ءۇشىن 19 شەتەلدىك جاۋاپقا تارتىلدى. سونداي-اق 356 تەرروريزمگە قارسى وقۋ ءىس-شارالارى وتكىزىلدى»،—دەدى ۇلتتىق قاۋىپسىزدىك كوميتەتى.
