قازاقستاندا كولىكتەردىڭ الدىڭعى اينەكتەرىن قاراڭعىلاۋعا رۇقسات بەرىلۋى مۇمكىن، دەپ حابارلايدى “ادىرنا” ۇلتتىق پورتالى.
«بىرنەشە كۇننەن بەرى اينەكتەردى قاراڭعىلاۋ (تونيروۆكا) ماسەلەسى كوتەرىلىپ جاتىر. قازىر ىشكى ىستەر مينيسترلىگى الدىڭعى تەرەزە جانە اينەكتەردى قاراڭعىلاۋعا تىيىم سالۋ تاريحىن زەرتتەپ جاتىر. پارلامەنت ءماجىلىسىنىڭ دەپۋتاتتارى دا بىزگە وسى ساۋالداردى قويىپ وتىر. مەن سىزگە ايتارىم، كەدەندىك وداقتىڭ الدىڭعى تەرەزەلەرى قانشالىقتى قاراڭعى بولۋى كەرەكتىگى تۋرالى ەرەجەلەر بار. بۇل جۇرگىزۋشىلەردى، جولاۋشىلاردى كولىك جۇرگىزۋ كەزىندە، جول قوزعالىسى ەرەجەلەرىن بۇزۋ جانە ت.ب. انىقتاۋدا بەلگىلى ءبىر قيىندىقتارعا اكەلمەۋىنە بايلانىستى بولدى. ەندى قازىر قاراڭعى اينەكتەردەن دە قۇقىق بۇزۋشىلىقتاردى ەسەپكە الۋدىڭ جاڭا تەحنيكالىق جۇيەلەرى پايدا بولدى، سوندىقتان ءبىز بۇل قانشالىقتى مۇمكىن ەكەنىن زەرتتەپ جاتىرمىز»، - دەدى بەيسەنبى كۇنى سەنات وتىرىسىندا قر ىشكى ىستەر ءبىرىنشى ۆيتسە-ءمينيسترى مارات قوجاەۆ.
اتاپ ايتقاندا، پوليتسەيلەر تەرەزەنى قاراڭعىلاۋدىڭ جول قاۋىپسىزدىگىنە اسەرى مەن قوعامدىق ءتارتىپتىڭ جاعدايىن زەرتتەمەك.
ايتا كەتەيىك، قازىرگى ۋاقىتتا قازاقستاندا كولىكتەردىڭ الدىڭعى تەرەزەسى جانە الدىڭعى بۇيىرلىك اينەكتەرىن تونيروۆكالاۋعا تىيىم سالىنادى. ەرەجەنى بۇزعانى ءۇشىن جۇرگىزۋشىلەرگە ايىپپۇل سالىنادى.
