بۇگىن، 27 ماۋسىم تاڭ اتا قاراعاندى قالاسىندا كوپقاباتتى تۇرعىن ءۇيدىڭ 5 قاباتىندا ورنالاسقان پاتەردە 6 شارشى مەتر الاڭدا ءۇي زاتتارى، توڭازىتقىش جانە جيھاز ورتەندى. بۇل تۋرالى توتەنشە جاعدايلار مينيسترلىگىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، ءورت سوندىرۋشىلەر 28 ادامدى ەۆاكۋاتسيالادى، ونىڭ ىشىندە 8 بالا بار. ءورت سوندىرۋشىلەردىڭ جەدەل جۇمىسىنىڭ ارقاسىندا شاقىرعان ساتتەن باستاپ 58 مينۋت ىشىندە ءورت ءسوندىرىلدى.
زارداپ شەككەندەر جوق. ءورتتىڭ الدىن الا شىعۋ سەبەبى – ەلەكتر سىمدارىنىڭ قىسقا تۇيىقتالۋى.
