ەلىمىزدە بىرىڭعاي ۋاقىت بەلدەۋىنە كوشۋگە بايلانىستى جۇمىس ۋاقىتى وزگەرۋى مۇمكىن ەكەنى ايتىلدى، دەپ حابارلايدى “ادىرنا” ۇلتتىق پورتالى.
ەندى جۇمىس ۋاقىتى ءبىر ساعاتقا ەرتە باستالماق. بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا ۇكىمەت وتىرىسىندا مالىمدەدى.
«بىزگە كوپ حات كەلىپ جاتىر، ءبىز ولارعا جاۋاپ بەرەمىز. جۇمىس بەرۋشى مەن جۇمىسشىنىڭ اراسىندا كەلىسىمشارت بار، جۇمىس كەستەسىن ەكى جاق بىرگە جاسايدى. سوندىقتان قاراڭعىدا جۇمىس ىستەمەۋى ءۇشىن، جۇمىس بەرۋشىمەن كەلىسىپ، جۇمىس كەستەسىن قايتا قاراي الادى. نەگىزى بۇل كۇردەلى سۇراق ەمەس.
ءبىز ۇسىنىس بەردىك، ياعني جۇمىس ءبىر ساعاتقا ەرتە باستالۋى مۇمكىن. نەگىزى كەلىسىمشارت ەكىجاقتى جاسالادى. ول ەڭبەك كودەكسىندە جازىلعان، زاڭعا سايكەس»، - دەپ تولىقتىردى ۆەدومستۆو باسشىسى.
