«تازا قازاقستان» اكتسياسىنا شىمكەنت قالاسىنىڭ 154 مىڭنان استام تۇرعىنى، سونداي-اق 6002 وندىرىستىك جانە كاسىپكەرلىك نىساندار مەن 603 الەۋمەتتىك مەكەمەنىڭ ۇجىمدارى جۇمىلدىرىلدى.
اكتسيا بارىسىندا 8 مىڭ شاقىرىمنان استام كوشە، 9 مىڭ شاقىرىم تروتۋار جانە 724 شاقىرىم سۋارۋ جۇيەلەرى، كانالدار مەن ارىقتار تازارتىلدى. 6591 توننا قوقىس شىعارىلدى. سونداي-اق، جاياۋ جۇرگىنشىلەر جولدارىن سىرلاۋ جانە جول جيەكتەرىن تازالاۋ جۇمىستارى جۇرگىزىلدى.
تازالاۋدان باسقا، قالادا 440 مىڭنان استام اعاشتى اكتەۋ جانە 153 مىڭنان استام اعاشتى سانيتارلىق كەسۋ جۇمىستارى جۇرگىزىلدى. 11657 اعاش كوشەتتەرى مەن 789 كوشەت وتىرعىزىلدى. جىل باسىنان بەرى 40 مىڭ شارشى مەتر اۋماققا 1 ميلليوننان استام قىزعالداق وتىرعىزىلدى.
اسار شاعىن اۋدانىنىڭ تۇرعىندارى كوشەلەردى، اۋلالاردى جانە ەكى دەمالىس ايماعىن تازالاۋعا بەلسەندى قاتىستى. اۋداندىق ارداگەرلەر كەڭەسىنىڭ توراعاسى ۇ.باشەنوۆ تۇرعىنداردىڭ مەملەكەت باسشىسىنىڭ باستاماسىن قولدايتىنىن جانە اكتسياعا ءساۋىر ايىنان باستاپ بەلسەندى قاتىسىپ، تازالاۋ جۇمىستارىن جۇرگىزىپ قانا قويماي، حالىق اراسىندا تازالىق مادەنيەتىن ناسيحاتتايتىنىن اتاپ ءوتتى. «قالا - ءبىزدىڭ ورتاق ءۇيىمىز. ونىڭ اباتتاندىرىلۋى مەن كوركەيۋى ءار تۇرعىنعا بايلانىستى. سوندىقتان اسارلىقتار بارشانى قوقىس تاستاماۋعا جانە تازالىقتى ساقتاۋعا شاقىرادى»، - دەدى ول.
قاراتاۋ اۋدانىندا اكتسياعا نۇرسات شاعىناۋدانىنىڭ كوپ قاباتتى ۇيلەرىنىڭ تۇرعىندارى قاتىستى. سوڭعى اكتسيالاردىڭ بىرىنە №37-49 ۇيلەردىڭ 400-گە جۋىق تۇرعىنى قاتىستى. تۇرعىندار ۇيلەردىڭ اۋماعىن قوقىستاردان تازارتتى، اعاشتاردى اكتەپ، شوپتەردى ورىپ، ورىندىقتاردى سىرلادى. شاعىن اۋدان تۇرعىندارىنىڭ نەگىزگى بولىگى اكتسياعا بەلسەندى قاتىسقان بالالار مەن جاسوسپىرىمدەر. ولار ءۇشىن اكتسيا - ەرەسەكتەرگە كومەكتەسۋ جانە دوستارىمەن، وتباسىمەن بىرگە اشىق اۋادا ۋاقىت وتكىزۋ. قاتىسۋشىلار بالالاردى تازالاۋ جۇمىستارىنا تارتۋ قورشاعان ورتاعا ۇقىپتى قاراۋدى قالىپتاستىرۋعا كومەكتەسەتىنىن اتاپ ءوتتى.
«تازالىق – دەنساۋلىق كەپىلى» - بۇل ۇراندى اكتسياعا قاتىسىپ وتىرعان ءال-فارابي اۋدانىنىڭ تۇرعىندارى دا قولداپ وتىر. شاراعا ارداگەرلەر مەن بەلسەندى جاستاردى قوسقاندا 200-دەن استام ادام قاتىستى. اۋداندىق ارداگەرلەر كەڭەسىنىڭ توراعاسى يسامۋدين ناشتايۇلى «تازا قازاقستان» اكتسياسى ۋاقىتشا اكتسيا ەمەس، تۇراقتى تازالىق شاراسى ەكەندىگىن، وسىعان بايلانىستى ءاربىر قالا تۇرعىنى تازالىق مادەنيەتىن ساقتاپ، اۋلالاردى رەتكە كەلتىرۋدى وزىنەن باستاۋ كەرەكتىگىن باسا ايتتى.
ەڭبەكشى اۋدانىندا اكتسياعا قاتىسۋشىلار «شىمكەنت» كانالىنىڭ اۋماعىندا تازارتۋ جۇمىستارىن جۇرگىزدى. اكتسياعا تۇرعىندار دا، «جاسىل ەل» ەڭبەك جاساقتارى دا قاتىستى. اۋداندىق ارداگەرلەر كەڭەسىنىڭ توراعاسى ز. جايشىبەكوۆ بارشاعا قاتىسقانى ءۇشىن ءوز العىسىن ايتىپ، اۋلالارىمىزدىڭ تازالىعى ءوزىمىزدىڭ ارقايسىمىزعا بايلانىستى ەكەندىگىن اتاپ ءوتتى. «ءبىز وزىمىزدەن باستاۋىمىز كەرەك، سوندا ءبىزدىڭ جاستارىمىز دا تازالىقتى ساقتايدى»، - دەدى ول.
«تازا قازاقستان» اكتسياسى اياسىندا تۇران اۋدانىنىڭ تۇرعىندارى مەن «جاسىل ەل» جاستار جاساقتارى قالا تۇرعىندارىنىڭ تانىمال دەمالىس ورنى بولىپ تابىلاتىن قوشقار اتا وزەنىنىڭ جاعاسىن تازارتۋ بويىنشا سانيتارلىق تازالاۋ جۇمىستارىن جۇرگىزدى. قاتىسۋشىلار وزەن اۋماعىن قوقىس پەن وسىمدىكتەردەن تازارتتى، شومىلۋ ەرەجەلەرى مەن وزەن بويىنداعى جارىقتاندىرۋدى جۇيەلەرىن جاڭارتتى. ولار قالانىڭ تازالىعى ەڭ نەگىزگى باسىمدىق ەكەنىن جانە ءاربىر تۇرعىن ونى قولداۋعا بەلسەندى قاتىسۋى كەرەك ەكەنىن اتاپ ءوتتى.
