بۋراباي لاگەرىنە دەمالۋعا بارعان 14 بالا تاماقتان ۋلانۋ بەلگىلەرىمەن اۋرۋحاناعا جاتقىزىلدى، دەپ حابارلايدى "ادىرنا" ۇلتتىق پورتالى قازاقپاراتقا سىلتەپ.
«اۆيتسەننا — بۋراباي» جشس ديرەكتورى ەۆگەني بەكاەۆ 22 ماۋسىم كۇنى ساعات 01.00-دەن تاڭعى 06.15-كە دەيىن 8-17 جاس ارالىعىنداعى 14 بالا اۋرۋحانانىڭ قابىلداۋ بولمەسىنە جۇگىنگەنىن مالىمدەدى.
«بالالارعا جۇرگىزىلگەن ساۋالناما بارىسىندا ولاردىڭ 20 ماۋسىمدا كەلگەنى جانە 22 ماۋسىمدا كەتەتىنى انىقتالدى. ساپاردىڭ ماقساتى — جەكە دەمالىس. 21 ماۋسىم كۇنى تاڭعى اس ىشكەننەن كەيىن (بارلىق بالالار ءارتۇرلى تاماق جەگەن: قۋىرىلعان ەت پەن كارتوپ، بورشش، سىرنيك جانە ت. ب.) ۋلانۋ بەلگىلەرى پايدا بولعان، بىراق بالالار كەشكە قاراي عانا مەديتسينالىق كومەككە جۇگىنگەن. بەلگىلى ءبىر ۋاقىت وتكەننەن كەيىن ەكى-ءۇش بالادان بىرتىندەپ اۋرۋحاناعا تۇسە باستادى»، - دەپ ءتۇسىندىردى باس دارىگەر ەۆگەني بەكاەۆ.
بالالارعا دەرەۋ مەديتسينالىق كومەك كورسەتىلگەن. قازىر 12 بالانىڭ اسقازانىن جۋىلدى. ال ءۇش بالاعا ينفۋزيالىق تەراپيا جاسالىپتى.
دارىگەرلەر ۋلانۋ دەرەگى بويىنشا شۇعىل حابارلامانى بۋراباي اۋدانى بويىنشا سانيتاريالىق-ەپيدەميولوگيالىق باقىلاۋ باسقارماسىنا جولدادى. ەندىگى كەزەكتە سانيتارلىق دارىگەرلەر تەكسەرۋى كەرەك.
سونداي-اق بۋرابايدا بالالار تۇرىپ جاتقان قوناقۇيدە تاماق بەرىلمەيدى.
