استانا قالاسى سارىارقا اۋدانىندا 16 ماۋسىم كۇنى كەشكىسىن جاتاقحاناعا اينالدىرىلعان ەكى قاباتتى ۇيدەن ءورت شىقتى. توتەنشە جاعداي قىزمەتكەرلەرى ءورتتى ءسوندىردى. بۇل تۋرالى توتەنشە جاعدايلار مينيسترلىگى جاريالادى، دەپ حابارلايدى “ادىرنا” ۇلتتىق پورتالى.
ناقتىلانعان اقپارات بويىنشا، مانساردتىق تۇرعىن ءۇيدىڭ جانە وعان بەكىتىلگەن ءبىر قاباتتى جۇمساق جيھازدى قالپىنا كەلتىرۋ تسەحىنىڭ شاتىرى جاندى.
زارداپ شەككەن ادام بار. ۋلى گازبەن ۋلانعان 1935 جىلى تۋعان ازامات جەدەل جاردەم قىزمەتكەرلەرىنە تاپسىرىلدى.
“بۇگىن تۇندە سارىارقا اۋدانىندا جاتاقحاناعا جابدىقتالعان ەكى قاباتتى تۇرعىن ءۇيدىڭ جانە ونىڭ جانىنا سالىنعان ءبىر قاباتتى جۇمساق جيھازدى قالپىنا كەلتىرۋ تسەحىنىڭ ورتەنۋى ورىن الدى”، دەلىنگەن حابارلامادا.
ءورت سوندىرۋشىلەر 150 ش.م.بولاتىن جانۋ الاڭىن تولىعىمەن ءسوندىردى.
