8 مامىر كۇنى الماتىدا Beu Fest فەستيۆالى ءۇشىنشى مارتە وتكىزىلدى, دەپ حابارلايدى “ادىرنا” ۇلتتىق پورتالى.
Beu Fest اردايىم جاس تالانتتاردى قولدايدى. بۇل جولى دا ساحنادا ونەر جولىن ەندى باستاعان جاستار بوي كورسەتتى. فەcتيۆال ەل مادەني ءومىرىنىڭ اجىراماس بولىگىنە اينالۋدا.
بيىلعى فەستيۆال Q-pop پەن ينديدەن حيپ-حوپقا دەيىنگى جانرلاردىڭ كەڭ اۋقىمىن ۇسىندى. سول سەبەپتى قازاقستان ەستراداسىنىڭ جۇلدىزدارى دوس-مۇقاسان، URKER جانە Ghetto Dogs سياقتى اتى اڭىزعا اينالعان توپتار قوناق بولدى.
العاشىندا جاس تالانتتار ونەر كورسەتكەن الاڭدا دوس-مۇقاسان توبى شىققان كەزدە بارشا تىڭدارمان وتە ەرەكشە كۇي كەشتى. ولاردىڭ اندەرى كىمنىڭ بولسىن دا جادىندا. سول سەبەپتى جيىلعانداردىڭ ءبارى قوسىلا شىراق، بيلەپ كوڭىل كوتەردى.
كورەرمەندەردى تاڭعالدىرعان تاعى ءبىر جايت دوس-مۇقاسان توبىنىڭ جاس بۋىن Alpha توبىمەن جاساعان كوللاباراتسياسى بولدى.
كەشتە Dequine, Shiza, Amre, Qanay, Kazybek Kuraiysh, ARShAT, Tynda Music, il 'han Ihsan, kilemger, ALPHA, ميراس جۇگىنىسوۆ، Dosekesh, ۇلانعاسىر قامي، T' OI, niyazkul جانە ايبەك سەرىكحانوۆ سياقتى ورىنداۋشىلار تىڭدارماندارىن اۋەزدى اندەرىمەن ءسۇيسىنتتى.
سونىمەن قاتار، Beu Fest 2024 Duisenbi, Ellaya, JANEL جانە Aka1dar سەكىلدى قازاق ەستاراداسىنىڭ جاڭا جۇلدىزدارىنا تىڭ پلاتفورما ۇسىندى.
بۇل فەستيۆال وسىمەن ءۇشىنشى جىل قاتارىنان وتكىزىلۋدە. بيىل ۇيىمداستىرۋشىلار بيلەتتەردى ساتۋدان تۇسكەن قارجىنىڭ ءبىر بولىگىن سۋ تاسقىنىنان زارداپ شەككەندەرگە كومەك رەتىندە جۇمسالاتىنىن ايتتى.
فەستيۆالگە ەۋرازيالىق بانك، الماتى قالاسىنىڭ اكىمدىگى سياقتى بىرنەشە دەمەۋشىلەر قولداۋ كورسەتتى.
فەستيۆال سوڭىندا ميراس جۇگىنىسوۆ اۋەزدى اندەرىن كوپشىلىكپەن بىرگە شىرقادى. فەستيۆالدى ەلىمىزگە تانىمال جۇرگىزۋشىلەر مارات ورالعازين مەن ەركەبۇلان مىرزابەك تىزگىندەدى.
ونەر جۇلدىزدارى مەن كەشكە كەلگەن قوناقتار ەلگە اماندىق پەن بىرلىكتى تىلەپ قازاق ونەرىنىڭ بولاشاعىنا ۇلكەن سەنىم ءبىلدىردى.
باستىسى تىڭدارماندار كەشتەن ۇلكەن شابىت پەن كەرەمەت اسەر الىپ قايتتى.
