الماتىداعى 13 ادام قازا تاپقان حوستەل ىسىنە قاتىستى سوت پروتسەسى باستالدى، دەپ حابارلايدى “ادىرنا” ۇلتتىق پورتالى.
ءىس بويىنشا ەكى ادام سوتتالىپ جاتىر. ءبىرى – حوستەلدىڭ يەسى ادىلبەك مۇحامەدياروۆ، ەكىنشىسى – ورتكە قارسى جۇيەنى ورناتقان الەكساندر پەكەلنيك.
ادىلبەك مۇحامەدياروۆتىڭ ادۆوكاتى تاعىلعان ايىپپەن كەلىسپەيتىنىن مالىمدەدى. سەبەبى مەنشىك يەسى جالعا الۋشى ادىلبەك مۇحامەدياروۆقا عيماراتتى حوستەل رەتىندە بەرگەن. ال شىن مانىندە عيمارات دۇكەنگە ارنالعان. سونداي-اق ادۆوكات ءورت بولاردان از ۋاقىت بۇرىن حوستەلدە بوگدە ادام بولعانىن، حوستەلدى ادەيى ورتەگەن بولۋى مۇمكىن ەكەنىن ايتتى.
ەكىنشى سوتتالۋشى الەكساندر پەكەلنيك تە وزىنە تاعىلعان ايىپپەن كەلىسپەيدى. ونىڭ ادۆوكاتى ورتكە قارسى جۇيەنىڭ حوستەل پايدا بولاردان الدەقايدا كوپ ۋاقىت بۇرىن جۇرگىزگەنىن ايتادى.
پەكەلنيكتىڭ حوستەلگە ەش قاتىسى جوق. ول قىلمىس سۋبەكتىسى ەمەس. ورتكە قارسى جۇيەنى ورناتقان كەزدە پەكەلنيك عيماراتتىڭ حوستەل رەتىندە پايدالانىلاتىنىن بىلگەن جوق، – دەدى ادۆوكات.
قايتىس بولعان 13 ادامنىڭ تۋىستارى جابىرلەنۋشى رەتىندە تانىلعان.
ەسكە سالايىق، Almaty Hostel 2023 جىلدىڭ 30 قاراشاسىندا ورتەنگەن بولاتىن. حوستەل ءورت بولاردان ءبىر جارىم اي بۇرىن اشىلعان.
قايتىس بولعان 13 ادامنىڭ تورتەۋى شەتەل ازاماتى.
