قوستاناي پوليتسەيلەرى ايەلدەر دارەتحاناسىن اڭدىعان ەر ادامدى ىزدەستىرىپ جاتىر، دەپ حابارلايدى “ادىرنا” ۇلتتىق پورتالى.
«فاكتى پوليتسيادا تىركەلدى. ۇساق بۇزاقىلىق جاساعانى ءۇشىن بەلگىسىز ەر ادامعا قاتىستى اكىمشىلىك ءىس قوزعالدى»، - دەپ حابارلادى قوستاناي پوليتسيا دەپارتامەنتىنەن.
28 مامىردا قوستانايداعى ساۋدا ورتالىعىنا كەلۋشىلەردىڭ ءبىرى ايەلدەر دارەتحاناسىنداعى كابينانىڭ ەدەنىندە جاتقان ەر ادامدى كامەراعا ءتۇسىرىپ العان. قىز ورتاداعى كابينادان كۇدىگى بارىن ايتتى.
«28 مامىردا «مارت» ساۋدا ورتالىعىندا ەكىنشى قاباتتاعى ايەلدەر اجەتحاناسىنا كىردىم. مەن ورتاداعى كابينادان كۇدىكتەنە باستادىم، سوسىن تەلەفون كامەرامدى تومەن ءتۇسىرىپ، ەدەندە جاتىپ، قاراپ تۇرعان ەر ادامدى ۆيدەوعا ءتۇسىرىپ الدىم»، — دەدى بويجەتكەن الەۋمەتتىك جەلىدە.
ونىڭ ايتۋىنشا، كەيىنىرەك كامەرالاردان ايەلدەر دارەتحاناسىندا 30 مينۋتتاي بولعان قارا كيىم مەن كوگىلدىر ءتۇستى جەيدە كيگەن ازيالىق، شامامەن 40 جاس شاماسىنداعى ەر ادامدى بايقاعان.
«اكىمشىلىك پەن كۇزەتكە ءبارىبىر بولدى، ماعان ۇلكەن اعام كەلدى، ءبىز قاۋىپسىزدىك قىزمەتىنىڭ باسشىسىن شاقىرىپ الدىق. ءبىز كامەرالاردى قاراپ، 10.38-دە ونىڭ دارەتحاناعا ەش قيىندىقسىز كىرىپ، 11.04-تە مەنىڭ سوڭىمنان شىعىپ كەتكەنىن بايقادىق»، - دەپ حابارلايدى بويجەتكەن.
قوستانايلىق پد قازىرگى ۋاقىتتا قۇقىق بۇزۋشىنىڭ جەكە باسى انىقتالىپ جاتقانىن اتاپ ءوتتى.
