بۇگىن استانا قالاسىنىڭ بارلىق مەكتەپتەرىندە «ءبىلىمىم – وتانىما» جالپى رەسپۋبليكالىق بىرىڭعاي تاربيە ساعاتى ءوتتى دەپ حابارلايدى ادىرنا ۇلتتىق پورتالى.
وقۋ جىلىنىڭ اياقتالۋىنا وراي وتكىزىلگەن تاربيە ساعاتىندا سىنىپ جەتەكشىلەرى وقۋشىلارمەن جانە اتا-انالارمەن بىرلەسىپ وقۋ جىلىن قورىتىندىلادى.
بالالاردى ۇستازداردى قۇرمەتتەۋگە، ءبىلىم ۇياسىنا قامقور بولۋعا، ءبىلىم الۋعا قۇشتار بولۋعا، جىل بويى العان ءبىلىمىنىڭ ناتيجەسىن قورىتىندىلاۋ ماقساتىندا وتكىزىلگەن تاربيە ساعاتىنا 1-10 سىنىپتىڭ بارلىق ءبىلىم الۋشىلارى قاتىستى.
استانا قالاسى ءبىلىم باسقارماسىنىڭ جالپى ورتا ءبىلىم بەرۋدىڭ مازمۇنى مەن ادىستەمە ءبولىمىنىڭ باسشىسى اسىل امانكەلديەۆا اباي قۇنانبايۇلى اتىنداعى №87 مەكتەپ-گيمنازياسىندا وتكەن سىنىپ ساعاتىنا ارنايى باردى.
«بۇل – 1 جانە 10 سىنىپ وقۋشىلارىنا ارنالعان شارا. سىنىپ ساعاتى 9.00-دە مەملەكەتتىك انۇرانمەن باستالدى. ودان كەيىن ءبىلىم الۋشىلار وقۋ-اعارتۋ ءمينيسترىنىڭ جولداعان قۇتتىقتاۋ ءسوزىن تىڭدادى. بۇگىنگى ءىس-شارا اتا-انالاردىڭ قاتىسۋىمەن ەرەكشە فورماتتا ءوتتى. مۇندا سىنىپ جەتەكشىلەرى وقۋشىلارمەن جانە اتا-انالارمەن بىرلەسىپ وقۋ جىلىن قورىتىندىلادى. تاربيە ساعاتىندا ءبىلىم الۋشىلاردىڭ ءبىلىم ناتيجەسى، سونداي-اق ءبىلىم، ونەر، سپورت سالالارىندا جەتكەن جەتىستىكتەرى ايتىلدى»، - دەدى اسىل امانكەلدىقىزى.
ايتا كەتسەك، بيىل ەلوردالىق مەكتەپتەردە 263 مىڭنان استام بالا ءبىلىم الدى. ولاردىڭ ىشىندە 11-سىنىپتى 11 230 تۇلەك اياقتاسا، 1-سىنىپتى 28 556 بالا، 9-سىنىپتى 19 952 وقۋشى ءتامامدايدى. ال التىن بەلگىگە – 295 وقۋشى، ۇزدىك اتتەستاتقا – 717 وقۋشى ۇمىتكەر.
