اقتاۋدا مەكتەپ وقۋشىسى جارتاستان قۇلاپ كەتتى، دەپ حابارلايدى "ادىرنا" ۇلتتىق پورتالى mangystaumedia.kz-كە سىلتەپ.
12 جاستاعى بالا بۇگىن 4 «ا» شاعىناۋدانىندا ورنالاسقان «كاسپيان ريۆەرا» قوناق ءۇيىنىڭ ارتىنداعى بيىكتىگى شامامەن 3-4 مەترلىك تەڭىز جاعالاۋىنداعى جارتاستاردان قۇلاعان.
قۇتقارۋشىلار بالانى قۇتقارىپ ۇلگەردى. قازىر بالا وبلىستىق جەدەل جانە شۇعىل مەديتسينالىق جاردەم ستانتسياسىنىڭ قىزمەتكەرلەرىمەن بالالار اۋرۋحاناسىنا جەتكىزىلگەن. دارىگەرلەر بالانىڭ ميىن كومپيۋتەرلىك توموگرافياعا ءتۇسىرىپ، بالانىڭ باس ميىنىڭ جابىق جاراقاتى مەن شايقالۋى انىقتاعان. ءجاسوسپىرىمنىڭ جاعدايى تۇراقتى.
"قازىر ناۋقاس بالالار اۋرۋحاناسىنىڭ تراۆماتولوگيا بولىمىندە. ديناميكادا ەم تاعايىندالىپ، ەمدەلىپ جاتىر. دارىگەرلەر بالانىڭ جاعدايى تۇراقتى باقىلاۋدا ەكەنىن جەتكىزدى", - دەيدى وبلىستىق بالالار اۋرۋحاناسىنىڭ ءباسپاسوز قىزمەتكەرلەرى.
