ەكس-مينيستر بيشىمباەۆتىڭ قولىنان مەرت بولعان سالتانات نۇكەنوۆانىڭ ار-نامىسى مەن قادىر-قاسيەتىنە نۇقسان كەلتىرەتىن اقپارات تاراتقان جۋرناليست انتون بۋداروۆ سوتتالدى، دەپ حابارلايدى “ادىرنا” ۇلتتىق پورتاى stan.kz سايتىنا سىلتەپ.
انتون بۋداروۆ 14 جەلتوقساندا ءوز پاراقشاسىندا سالتانات نۇكەنوۆانى قارالاپ، ءوزىن كىنالاعان جازبا جازعان.
"مەن بيشىمباەۆتىڭ ايەلى سالتاناتتى جابىرلەنۋشى دەپ سانامايمىن. ول ناعىز ابيۋزەر، كۇيەۋىمەن ىشىمدىككە سالىنىپ، توبەلەس شىعارعان. بارىپ تۇرعان الاياق، استرولوگيا كۋرسىن ساتقان. قاراپايىم ەسىرتكىقۇمار وتباسى، ول ايەل ناعىز وڭباعان", – دەپ جازعان جۋرناليست.
جۋرناليسكە قاتىستى سوت ۇكىمى تۋرالى ادۆوكات دامير يشمامەتوۆ جازدى. ونىڭ سوزىنشە، 2024 جىلدىڭ 20 مامىرىندا بوستاندىق اۋداندىق سوتى بۋداروۆتىڭ سالتانات نۇكەنوۆا تۋرالى جازباسىن جالعان دەپ تانۋ جونىندە ۇكىم شىعارعان.
“بۋداروۆ انتون يۋرەۆيچ كوپشىلىكتىڭ الدىندا ۇندەۋ جاساۋ ارقىلى ءوزى تاراتقان اقپاراتتى جوققا شىعارۋعا مىندەتتەلدى. سونىمەن قاتار سوت شىعىندارىنا جۇمسالعان 650 مىڭ تەڭگەنى امانگەلدى ايتبەككە ءوندىرۋى كەرەك”، – دەپ جازدى قورعاۋشى.
