كامەلەتكە تولماعان قىزدى زورلاعان ەر ادامعا قاتىستى ۇكىم شىقتى، دەپ حابارلايدى "ادىرنا" ۇلتتىق پورتالى.
پاۆلودار وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا 51 جاستاعى ەر ادامنىڭ ءىسى قارالدى.
ول 2023 جىلدىڭ شىلدە ايىندا كامەلەتكە تولماعان قىز بالانى زورلاعان. تەرگەۋ مالىمەتىنشە، كامەلەتكە تولماعان قىز پاۆلودارداعى ءدامحانالاردىڭ بىرىندە تاجىريبەدەن وتكەن. سول ساتتە ءدامحانادا اسپاز بولىپ جۇمىس ىستەيتىن ەر اداممەن تانىسقان.
ەر ادام مەن قىزبەن الەۋمەتتىك جەلى ارقىلى سويلەسىپ، ارتىنشا قىزعا بىرگە تۇرۋعا ۇسىنىس جاساعان. قىز ەرەسەك اداممەن بىرگە تۇرۋ ۇسىنىسىن قابىلداپتى. ەكەۋى داستارحان جايىپ، ىشىمدىك ىشكەن. ارتىنشا جابىرلەنۋشى ۇيىقتاماق بولعاندا، ەر ادام ونى زورلاعان.
قىزدىڭ زورلانعانىن قىلمىستىق ىستەر جونىندەگى مامانداندىرىلعان اۋدانارالىق سوتىنىڭ سۋدياسى راستادى.
"جابىرلەنۋشىنىڭ زورلانعانىن دوستارى ايتىپ، كومەك سۇراعانىن، ۇيالى تەلەفونىنداعى حابارلامالارىن كورەتكەن. سوتتالۋشىنىڭ كىناسى جابىرلەنۋشىنىڭ، كۋالاردىڭ ايعاقتارىمەن، سوت ساراپتاماسىنىڭ قورىتىندىلارىمەن جانە سوتتا زەرتتەلگەن باسقا دا دالەلدەرمەن دالەلدەندى", – دەپ اتاپ ءوتتى قىلمىستىق ىستەر جونىندەگى مامانداندىرىلعان اۋدانارالىق سوتىنىڭ سۋدياسى قۇداباي سۇلتانوۆ.
الايدا سوت بارىسىندا 51 جاستاعى ەر ادام ءوز كىناسىن مويىندامادى. سوتتالۋشىنىڭ ايتۋىنشا، ول قىزدىڭ كامەلەتكە تولماعانىن بىلمەگەن.
51 جاستاعى ەر ادام قىلمىستىق كودەكستىڭ 120-بابىنىڭ 3-1-بولىگىندە كوزدەلگەن قىلمىستى جاساعانى ءۇشىن ايىپتى دەپ تانىلىپ، 15 جىلعا باس بوستاندىعىنان ايىرۋ جازاسى تاعايىندالدى.
