بۇگىن، 18 مامىردا اقتوبەدەگى كوپقاباتتى تۇرعىن ۇيلەردىڭ بىرىنەن ءورت شىعىپ، 15 ادام ەۆاكۋاتسيالاندى. بۇل تۋرالى توتەنشە جاعدايلار دەپارتامەنتى ايتتى، دەپ حابارلايدى «ادىرنا» ءتىلشىسى.
«ەسەت باتىر اۋدانىندا ورنالاسقان كوپ قاباتتى تۇرعىن ءۇيدىڭ 5 شارشى مەتر الاڭىندا قىلتيما ورتەندى. وقيعا ورنىنا قىسقا ۋاقىتتا جەتكەن ءورت سوندىرۋشىلەر باسپالداق مارشى ارقىلى 15 ادامدى ەۆاكۋاتسيالادى. ولاردىڭ 4-ەۋى بالا. زارداپ شەككەندەر جوق»،—دەلىنگەن حابارلامادا.
ايتا كەتەيىك، ءورت تولىقتاي 19 مينۋت ىشىندە جويىلدى.
