30 مامىردان باستاپ "China Southern Airlines" اۋە كومپانياسى استانا – ءۇرىمشى باعىتى بويىنشا رەيستەر سانىن اپتاسىنا 2-دەن 3 رەيسكە دەيىن ارتتىرۋدى جوسپارلاپ وتىر. بۇل تۋرالى كولىك مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
مينيسترلىك مالىمدەگەندەي، رەيستەر Boeing 737 (سىيىمدىلىعى 128-دەن 178 ورىنعا دەيىن) ۇشاقتارىندا ورىندالادى.
"وسىلايشا، قازاقستان پرەزيدەنتى قاسىم-جومارت توقاەۆتىڭ 2023 جىلعى قازانداعى قىتايعا ساپارىنىڭ قورىتىندىسى بويىنشا ەلدەر اراسىنداعى رەيستەردىڭ جالپى سانى اپتاسىنا 27-دەن 43-كە دەيىن ۇلعايادى", - دەلىنگەن حابارلامادا.
سونداي-اق، قازاقستان مەن قىتاي اراسىنداعى رەيستەر سانىنىڭ ارتۋى ەلدەر اراسىنداعى تۋريستىك، مادەني، ينۆەستيتسيالىق جانە ىسكەرلىك ىنتىماقتاستىقتى ودان ءارى دامىتۋعا، سونداي-اق حالىقارالىق اۋە تاسىمالى نارىعىنداعى باسەكەلەستىكتىڭ ارتۋىنا جانە اۋە بيلەتتەرى باعاسىنىڭ تومەندەۋىنە ىقپال ەتەدى.
