الماتى وبلىسىنىڭ اكىمدىگىنە 11 ميلليون تەڭگە تۇراتىن ەكى فوتواپپارات نە ءۇشىن كەرەك؟ بۇل سۇراققا الماتى وبلىسى اكىمدىگىنىڭ ءباسپاسوز حاتشىسى جاۋاپ بەردى، دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەپ.
بۇعان دەيىن جەلىدە الماتى اكىمدىگى مەملەكەتتىك ساتىپ الۋلار پورتالىندا رەداكتسياعا 11,4 ميلليون تەڭگەگە ەكى كامەرا ساتىپ الۋ تۋرالى حابارلاندىرۋ جاريالاعانى تۋرالى اقپارات پايدا بولعان ەدى.
الماتى وبلىسىنىڭ ىشكى ساياسات باسقارماسى ورتاشا باعا توبى ساناتىنا جاتاتىن ەكى فوتوتەحنيكانى ساتىپ الۋ ءراسىمى جۇرگىزىلگەنىن راستادى.
"فوتوتەحنيكاعا قاجەتتىلىك بالانسىندا ەكى ءفوتوتىلشى مەن موبيلوگراف بار مەكەمەنىڭ جۇمىسىنا قاجەتتىلىكتەن تۋىنداپ وتىر. تەڭگەرىمدەگى ۇقساس قۇرالدار ەسكىرگەن جانە پايدالانۋ مەرزىمى شامامەن سەگىز جىل. ايتا كەتۋ كەرەك، تەك تەحنيكا عانا ەمەس، قاجەت بولشەكتەرى دە ساتىپ الىنادى جانە كورسەتىلگەن باعا وسى سالاداعى نارىقتى تالداۋ نەگىزىندە قالىپتاستى", - دەدى الماتى وبلىسى اكىمدىگىنىڭ ءباسپاسوز حاتشىسى جاننا ارىنبەكوۆا.
