30 ءساۋىر اۋدان اكىمى اسلانبەك سارقۇلوۆتىڭ قاتىسۋىمەن مەملەكەتتىك ماتەريالدىق رەزەرۆتەن اۋدانىمىزعا بەرىلگەن تەحنيكالاردى تابىستاۋ ءراسىمى ءوتتى، دەپ حابارلايدى "ادىرنا" ۇلتتىق پورتالى.
قازاقستان حالىقتارىنىڭ بىرلىگى كۇنى مەرەكەسى قارساڭىندا وتكەن سالتاناتتى ءىس-شاراعا اۋدان اكىمىنىڭ ورىنباسارلارى، اۋداندىق ءماسليحات توراعاسى سارسەنباي مولداشەۆ، اۋداندىق قوعامدىق كەڭەس توراعاسى ماعاۋيا ەسماعۇلوۆ، اۋداندىق ارداگەرلەر كەڭەسىنىڭ توراعاسى ءجۇسىپ شاكۋوۆ جانە اۋدان تۇرعىندارى قاتىستى.
سۋ تاسقىنى كەزىندە اۋدانىمىزدىڭ بىرقاتار اۋىلدارى مەن ەلدىمەكەندەرى تازا اۋىز سۋسىز قالعان ەدى. جەرگىلىكتى اتقارۋشى ورگاندار ءىس-قيمىلىنىڭ ناتيجەسىندە سۋ تاسقىنى قاۋپى سەيىلدى.
—كوكتەمگى سۋ تاسقىنى سالدارىنان كازتالوۆ اۋدانىنىڭ اۋىلدارى مەن ەلدىمەكەندەرى تازا اۋىز سۋسىز قالۋىنا بايلانىستى مەملەكەتتىك ماتەريالدىق رەزەرۆتەن 2 كاماز اۆتوكولىگى بازاسىنداعى سۋ تازالاعىش، 1 گازەل اۆتوكولىگى بازاسىنداعى سۋ تازالاعىش ماشينا (جىلجىمالى «تازا سۋ»فيلترلى قوندىرعىسى) جانە سۋ جوق ەلدى مەكەندەرگە سۋ تاسىمالداۋعا قاجەتتى 2 دانا سۋ تاسىمالداۋشى (ۆودوۆوز) كولىگى الىندى. سونىمەن قاتار كوكتەمگى سۋ تاسقىنى سالدارىنان وبلىستىق جانە اۋداندىق ماڭىزى بار اۆتوجولداردا سۋ جىرۋ فاكتىلەرى ورىن العان بولاتىن. وسى اۆتوجولداردى قالپىنا كەلتىرۋگە اۋدانىمىزعا مەملەكەتتىك ماتەريالدىق رەزەرۆتەن قاجەتتى 1 دانا اۋىر اۆتوگرەيدەر ءبولىنىپ، پايدالانۋعا بەرىلىپ وتىر. قولداۋ كورسەتكەن قر توتەنشە جاعدايلار مينيسترلىگىنە جانە وبلىس اكىمدىگىنە اۋدان تۇرعىندارى اتىنان ريزاشىلىعىمدى بىلدىرەمىن، - دەدى اۋدان اكىمى.
كازتالوۆ اۋدانى اكىمدىگىنىڭ ءباسپاسوز قىزمەتى
