Алматы облысының әкімдігіне 11 миллион теңге тұратын екі фотоаппарат не үшін керек? Бұл сұраққа Алматы облысы әкімдігінің баспасөз хатшысы жауап берді, деп хабарлайды “Адырна” ұлттық порталы Tengrinews.kz сайтына сілтеп.
Бұған дейін желіде Алматы әкімдігі мемлекеттік сатып алулар порталында редакцияға 11,4 миллион теңгеге екі камера сатып алу туралы хабарландыру жариялағаны туралы ақпарат пайда болған еді.
Алматы облысының Ішкі саясат басқармасы орташа баға тобы санатына жататын екі фототехниканы сатып алу рәсімі жүргізілгенін растады.
"Фототехникаға қажеттілік балансында екі фототілші мен мобилограф бар мекеменің жұмысына қажеттіліктен туындап отыр. Теңгерімдегі ұқсас құралдар ескірген және пайдалану мерзімі шамамен сегіз жыл. Айта кету керек, тек техника ғана емес, қажет бөлшектері де сатып алынады және көрсетілген баға осы саладағы нарықты талдау негізінде қалыптасты", - деді Алматы облысы әкімдігінің баспасөз хатшысы Жанна Арынбекова.
