"قازاۆتوجول" ۇلتتىق كومپانياسى اتىراۋ وبلىسىنداعى سۋ تاسقىنى تۋرالى شۇعىل اقپارات تاراتتى، دەپ حابارلايدى "ادىرنا" ۇلتتىق پورتالى.
جايىق دەڭگەيى ارناسىنان استى. سول سەبەپتى اتىراۋ وبلىسىندا تاعى ءبىر اۋىلدى سۋ باسۋى مۇمكىن.
"اتىراۋ وبلىسىنداعى جايىق وزەنى ارناسىنان شىققاندىقتان، جالعانساي اۋىلىن سۋ باسۋ قاۋپى بار. سول سەبەپتى، "اتىراۋ-ورال" اۆتوجولىنىڭ 56-شاقىرىمىنداعى ۋچاسكەسىنەن سۋ وتكىزۋ جوسپارلانعان. ءدال وسى ساتتە اۆتوجولدىڭ ءجۇرۋ بولىگى ارقىلى توپىراقتان جاساندى كانال ورناتىلىپ جاتىر. ۋچاسكەلەردەگى جۇمىستارعا 9 ادام مەن 7 ارنايى تەحنيكا جۇمىلدىرىلعان", - دەلىنگەن ۆەدومستۆو حابارلاماسىندا.
