لوندوندا قازاقستان ازاماتى ادام ءولتىردى دەگەن كۇدىككە ىلىنگەن. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ جەتكىزدى، دەپ حابارلايدى “ادىرنا” ۇلتتىق پورتالى.
«بيىل 10 مامىردا لوندون قالاسىنىڭ پوليتسياسى قازاقستاننىڭ ۇلتىبريتانياداعى ەلشىلىگىنە ادام ءولتىردى دەگەن كۇدىكپەن قازاقستان ازاماتتارىنىڭ ۇستالعانىن حابارلادى. ولاردىڭ ەرلى-زايىپتى ەكەنى انىقتالدى. ايەلى بوساتىلىپ، كۇيەۋى قاماۋعا الىندى. پوليتسيا ونى تەرگەپ جاتىر. جاقىن ارادا ونىڭ سوتى بولادى دەپ كۇتەمىز»، - دەدى ايبەك سمادياروۆ ءسىم-دە وتكەن ءباسپاسوز ءماسليحاتىندا.
سونداي-اق، قازاقستاندىقتىقتىڭ ادۆوكاتى بار، تۋعان-تۋىستارىمەن بايلانىستا ەكەنى ايتىلدى.
لوندون پوليتسياسىنىڭ مالىمەتىنشە، بيىل 6 مامىردا كەشكى ساعات 21:00 شاماسىندا قالاداعى اۋدانداردىڭ بىرىندە 42 جاستاعى ەر ادامنىڭ دەنەسى تابىلعان. ول پىشاق جاراقاتىن العان.
ايتا كەتەيىك، ايىپ تاعىلعان قازاقستاندىق ۇلىبريتانياعا 2023 جىلعى مامىردا 6 ايعا جۇمىس ۆيزاسىمەن بارعان.
