مەملەكەت باسشىسى قاسىم-جومارت توقاەۆ قازاقستاندىقتاردى جەڭىس كۇنىمەن قۇتتىقتادى. بۇل تۋرالى اقوردا جاريالادى، دەپ حابارلايدى “ادىرنا” ۇلتتىق پورتادى.
ء"بىز 9 مامىردا بەيبىت ءومىر مەن تىنىشتىقتى قورعاۋ جولىندا قۇربان بولىپ، مايدان دالاسىنان قايتپاي قالعان باتىرلارىمىزدىڭ رۋحىنا تاعزىم ەتەمىز. سوعىس جانە تىل ارداگەرلەرىنە شەكسىز ريزاشىلىق ءبىلدىرىپ، ايرىقشا قۇرمەت كورسەتەمىز", - دەدى توقاەۆ.
ول سونداي-اق قازاقستان ادامزاتتىڭ ورتاق جەڭىسىنە، جەر بەتىندە ادىلدىك پەن بوستاندىقتىڭ سالتانات قۇرۋىنا ولشەۋسىز ۇلەس قوسقانىن اتاپ ءوتتى.
"اعا بۋىننىڭ ەكىنشى دۇنيەجۇزىلىك سوعىس كەزىندەگى ەرلىگى مەن ەڭبەگى وسكەلەڭ ۇرپاق ءۇشىن قايسارلىقتىڭ، جانقيارلىقتىڭ جانە وتانشىلدىقتىڭ وزىق ۇلگىسى بولىپ قالاتىنى ءسوزسىز. بۇگىندە ءبىز ۇلتىمىزدىڭ قاھارمان ۇل-قىزدارىنىڭ ارقاسىندا الاڭسىز ەڭبەك ەتىپ، ۇرپاق ءوسىرىپ، جارقىن بولاشاققا قادام باسىپ كەلەمىز. سول ءۇشىن ولارعا ماڭگى قارىزدارمىز. ەشكىم دە ەشقاشان ۇمىتىلمايدى!", - دەلىنگەن پرەزيدەنت قۇتتىقتاۋىندا.
