يزرايل اسكەرى رافاح باقىلاۋ-وتكىزۋ بەكەتىنىڭ پالەستينالىق بولىگىندە لاڭكەستىككە قارسى وپەراتسيانى باستاپ كەتتى، دەپ حابارلايدى "ادىرنا" ۇلتتىق پورتالى.
قالانىڭ شىعىسىندا لاڭكەستىككە قارسى وپەراتسيانى باستاپ كەتتى. رافاح قالاسى گازا سەكتورى مەن ەگيپەتتىڭ شەكاراسىندا ورنالاسقان.
يزرايل اسكەري وپەراتسيا باستايتىنىن جاريا ەتكەن. ويتكەنى قالانى پالەستينالىق «حاماس» قوزعالىسىنىڭ سوڭعى بەكىنىسى دەپ سانايدى.
ايتا كەتەيىك، بۇل قاقتىعىسقا حالىقارالىق قاۋىمداستىق قارسى.
سەبەبى مۇندا گازا سەكتورىنىڭ وزگە وڭىرلەرىنەن قاشىپ كەلگەن ميلليوننان اسا بوسقىن بار. 6 مامىر كۇنى يزرايل تاراپى بوسقىندارعا قاۋىپسىز جەرگە كەتۋ تۋرالى ۇنپاراقتار تاراتقان بولاتىن. بۇۇ باس حاتشىسىنىڭ ءباسپاسوز حاتشىسى:
"رافاح قالاسىنىڭ شىعىس بولىگىنىڭ تۇرعىندارىنا قاۋىپسىز جەرگە كوشۋ تۋرالى بۇيرىق بەرىلدى. ولارعا وزگە بوسقىندار لاگەرى ۇسىنىلعان. ال بۇل ورىنداردا ونسىز دا ادام كوپ. سولاردىڭ وزىنە دە جاعداي جاسالماعان. جالپى قازىر رافاحتى پانالاپ جۇرگەن ميلليوننان اسا بوسقىننىڭ جارتىسىنان استامى – بالالار", - دەدى ستەفان ديۋجارريك.
