مەملەكەت باسشىسى قاسىم-جومارت توقاەۆ قازاقستان حالقىن بىرلىك كۇنىمەن قۇتتىقتادى، - دەپ حابارلايدى “ادىرنا” ۇلتتىق پورتالى اقوردانىڭ ءباسپاسوز قىزمەتىنە سىلتەمە جاساپ.
پرەزيدەنت ەل بىرلىگى، اسىرەسە، قيىن-قىستاۋ ساتتەردە سىنالاتىنىن اتاپ ءوتتى.
«بۇل – تاتۋلىق پەن تىنىشتىقتىڭ، تۇراقتىلىق پەن بەيبىتشىلىكتىڭ سيمۆولى سانالاتىن مەرەيلى مەرەكە.
قازاق جەرىن مەكەن ەتكەن سان الۋان ەتنوستىڭ مادەنيەتى، ءدىنى مەن ءداستۇرى ءوزارا ۇندەسىپ، بىرەگەي وركەنيەتكە اينالدى. بۇگىندە ەلىمىزدىڭ بارشا ازاماتتارى ءبىرتۇتاس ۇلت بولىپ ادىلەتتى قازاقستاندى قۇرىپ جاتىر.
حالقىمىز جاسامپازدىق پەن جاڭاشىلدىق، ەڭبەكقورلىق پەن بىلىمپازدىق، جاناشىرلىق پەن جاۋاپكەرشىلىك سياقتى اسىل قاسيەتتەرىنىڭ ارقاسىندا ءوسىپ-وركەندەي بەرەدى دەپ سەنەمىن.
بارشاڭىزعا زور دەنساۋلىق، تولاعاي تابىس تىلەيمىن!
ءار شاڭىراققا قۇت-بەرەكە دارىسىن!»، - دەدى مەملەكەت باسشىسى.
