تۇركىستان وبلىسىندا بالاباقشا قىزمەتكەرى بالالاردى ەدەن جۋعىشپەن ساباعانى بەلگىلى بولدى، دەپ حابارلايدى "ادىرنا" ۇلتتىق پورتالى.
ءىس قوزعاۋعا سەبەپ بولعان وقيعا باقىلاۋ كامەرالارىنىڭ جازبالارىنا ءتۇسىپ قالعان. بەينەدە ايەلدىڭ بالالاردى ەدەن جۋعىشپەن ۇرعانىن كورۋگە بولادى. ەندى ول 3 جىلعا دەيىن باس بوستاندىعىنان ايىرىلۋى مۇمكىن.
انىقتالعانداي، ءتورت بالاباقشادا قىزمەتكەرلەر بالالارعا كۇش كورسەتكەن.
كەلەس اۋدانىنىڭ پروكۋراتۋرا قىزمەتكەرلەرى مەكتەپكە دەيىنگى مەكەمەلەردەگى بالالاردىڭ قالاي تاماقتاناتىنىن جانە قانداي جاعدايدا تاربيەلەنىپ جاتقانىن تەكسەرمەك.
«ءبىز مەكتەپكە دەيىنگى مەكەمەلەردە بالالاردىڭ قۇقىقتارىن ساقتاۋ ءۇشىن بارلىق شارالاردى قابىلدايمىز. قازىر 97 بالاباقشانىڭ تەك 6-ۋى عانا تەكسەرىلدى. ءبىز تەكسەرۋدى 20 كۇننەن كەيىن اياقتايمىز»، - دەدى كەلەس اۋدانىنىڭ پروكۋرورى نۇرلان ەشەنقۇلوۆ.
