تارازداعى جارىلىس: اكىمدىك اپات سەبەبىن ايتتى

"كۋاگەرلەردىڭ ايتۋىنشا، الدىن الا مالىمەت بويىنشا جەر استى گاز قۇبىرى قاتتى جارىلعان. زارداپ شەككەندەر تۋرالى اقپارات ءالى بەلگىسىز", - دەلىنگەن ارنا حابارلاماسىندا.

قالا اكىمدىگى جارىلىستىڭ سەبەبىن انىقتادى.

«22 ماۋسىمدا ساعات 21.41-دە تاراز قالاسى قاراسۋ ىقشاماۋدانىنداعى (5) 26-ۇيدە اسفالت جارىلىپ، سالدارىنان جارىق ءسونىپ قالدى. تاراز قالاسىنىڭ كوممۋنالدىق قىزمەتتەرى وقيعانىڭ سەبەپتەرىن انىقتاۋ جۇمىستارىن جۇرگىزدى. وقيعا ورنى گاز اناليزاتورىمەن تەكسەرىلىپ، گاز قۇبىرىنىڭ بۇل جەردەن وتپەگەنىن انىقتالدى. باسقا ينجەنەرلىك جەلىلەردى تەكسەرۋ ناتيجەلەرى بويىنشا 22 ماۋسىم كۇنى ساعات 21.44-تە «رىسبەك» 110/6 كۆ قوسالقى ستانتسياسىندا 414 فيدەرىنەن شىعاتىن №10 تاراتۋ پۋنكتىنە اپاراتىن جەراستى جوعارى ۆولتتى كابەل تارتىلعانى انىقتالدى»، - دەپ حابارلادى تاراز قالاسى اكىمىنىڭ ءباسپاسوز قىزمەتى.

ال جامبىل وندىرىستىك فيليالىنىڭ مالىمەتىنشە اۋادا گاز كونتسەنتراتسياسى تابىلماعان.

«گاز شارۋاشىلىعى قىزمەتىنىڭ ماماندارى وقيعا ورنىن گاز تالداعىشپەن زەرتتەدى، اۋادا گاز كونتسەنتراتسياسى تابىلعان جوق»، - دەپ حابارلادى كومپانيا.

جارىلىس سالدارىنان زارداپ شەككەندەر جوق.