الماتى وبلىسىندا مەكتەپ وقۋشىسى ساباق ۇستىندە كوز جۇمدى، دەپ حابارلايدى "ادىرنا" ۇلتتىق پورتالى.
وقيعا قاراساي اۋدانىنداعى مەكتەپتەردىڭ بىرىندە بولعان.
باق مالىمەتىنشە، الماتى وبلىستىق ءبىلىم باسقارماسى 10 جاسار وقۋشى قىز ساباق ۇستىندە قازا تاپقانىن راستاعان. 23 ساۋىردە قاراساي اۋدانى قوشمامبەت اۋىلى ق.قوشمامبەتوۆ اتىنداعى ورتا مەكتەپتە 2014 جىلى تۋعان 4-سىنىپ وقۋشىسى قايتىس بولدى.
الايدا ۆەدومستۆوەىڭ رەسمي مالىمەتىندە وقۋشىنىڭ جەدەل جاردەم كولىگىندە كوز جۇمعانى ايتىلعان.
«ساباق كەزىندە قىز بالا ءوزىن ناشار سەزىنىپ، ەسىنەن تانىپ قالعان. مەديتسينالىق كومەك دەنساۋلىق ساقتاۋ ءمينيسترىنىڭ بۇيرىعىنا سايكەس كورسەتىلدى. مەديتسينا ماماندارىنىڭ ارەكەتىنە قاراماستان مەكتەپ وقۋشىسى جەدەل جاردەم كولىگىندە كوز جۇمدى»، - دەپ ءتۇسىندىردى ۆەدومستۆودان.
ودان بولەك باق-تا تاراعان اقپاراتتا وقۋشىعا مەديتسينالىق كومەك دەر كەزىندە كورسەتىلمەگەنى ايتىلۋدا.
“اتا-اناسى مەكتەپ باسشىلىعى مەن جەدەل جاردەم قىزمەتكەرلەرىن ارەكەتسىزدىگى ءۇشىن جانە نەمقۇرايلىعى ءۇشىن كىنالاپ وتىر. جاپ-جاقىن جەرگە 40 مينۋت بويى جەتە الماي ارەڭ كەلدى”، - دەلىنگەن.
