بۇل تۋرالى قالالىق اكىمدىكتە مالىمدەلى، دەپ جازدى «ادىرنا» ءتىلشىسى.
كوركەم تابيعاتىمەن الەمگە ايگىلى الماتىنىڭ تۋريستىك الەۋەتى جوعارى. ءشاواردىڭ كەلبەتى ءمىنسىز، كەلۋشى تۋريستەر سانى جىل سايىن ارتى كەلەدى. ايتكەنمەن، مۇنداي كورمەلەرگە قاتىسۋ، الماتىنى حالىقارالىق نارىقتا تۋريستىك دەستيناتسيا رەتىندە ىلگەرىلەتۋدىڭ ماڭىزدى قۇرالى، دەيدى ماماندار.
شەتەلەدىك كورمەگە قاتىسۋ ءبىرىنشى كەزەكتە قالاداعى تۋريستىك مۇمكىندىكتەر مەن كورىكتى جەرلەردى الەمگە تانىتۋعا مۇمكىندىك بەرەدى. سونىمەن قاتار، حالىقارالىق تۋروپەراتورلارمەن، قوناقۇيلەرمەن، اۆياكومپانيالارمەن جانە تۋريستىك يندۋستريانىڭ باسقا مۇشەلەرىمەن بايلانىس ورناتۋ ءبىرشاما جەڭىلدەيدى. بۇل سەرىكتەستىكتىڭ دامۋىنا جانە بولاشاق ىنتىماقتاستىق ءۇشىن بايلانىس جەلىسىن قۇرۋعا ىقپال ەتەدى. سونداي-اق، يندۋسترياداعى ۇزدىك تاجىريبەلەر تۋرالى ءبىلۋ، ۇردىستەردى قاداعالاۋ جانە الماتىدا تۋريستىك تاجىريبەنى جاقسارتۋ ءۇشىن جاڭا يدەيالارعا كوز جۇگىرتىپ، تاجىربيەدە قولدانۋعا تاپتىرماس مۇمكىندىك سىيلايدى.
مۇنداي باستامالار ءوڭىردىڭ الەمدىك تۋريستىك كارتاداعى پوزيتسياسىن نىعايتۋعا جانە تۋريزم يندۋسترياسىن دامىتۋ ارقىلى ەكونوميكالىق وسۋگە ىقپال ەتەدى.
الماتى قازاقستاندا شەتەلدىك تۋريستەردى قابىلداۋ بويىنشا كوشباسشى قالا ەكەنى ءسوزسىز. سوڭعى ءۇش جىلدا قالاعا 989 مىڭنان استام شەتەلدىك تۋريستەر كەلگەن. بۇل رەسپۋبليكالىق كورسەتكىشتىڭ 47,3%-ىن قۇرايدى.
