12 ساۋىردە تاجىكستان پرەزيدەنتى ەمومالي راحمون قازاقستان پرەزيدەنتى قاسىم-جومارت توقاەۆپەن تەلەفون ارقىلى سويلەستى. پرەزيدەنتتەر قازاقستاننىڭ بىرقاتار وڭىرلەرىندەگى كوكتەمگى سۋ تاسقىنىنا بايلانىستى جاعدايدى تالقىلادى، دەپ حابارلايدى “ادىرنا” ۇلتتىق پورتالى تاجىكستان پرەزيدەنتىنىڭ باسپاسوزىنە سىلتەپ.
تاجىكستان ەلىنىڭ باسشىسى ەلىمىزدەگى اۋقىمدى سۋ تاسقىنىنا بايلانىستى قولداۋ ءبىلدىردى.
ول قازاقستان ۇكىمەتىنىڭ تابيعي اپات سالدارىن وقشاۋلاۋ جانە ازايتۋ بويىنشا قابىلداپ جاتقان قاجەتتى شارالاردىڭ تيىمدىلىگى مەن ماڭىزدىلىعىن اتاپ ءوتىپ، ولاردىڭ تەز ارادا جويىلاتىنىنا سەنىم ءبىلدىردى.
ەمومالي راحمون تاجىكستان رەسپۋبليكاسىنىڭ ۇكىمەتىنە قازاقستاننىڭ زارداپ شەككەن اۋداندارىنىڭ حالقىنا ازىق-تۇلىك پەن قاجەتتى تاۋارلار تۇرىندەگى گۋمانيتارلىق كومەك پارتياسىن جىبەرۋگە شۇعىل دايىندالۋدى تاپسىرعانىن اتاپ ءوتتى.
مەملەكەت باسشىلارى قازاق-تاجىك ىنتىماقتاستىعىنا قاتىستى ماسەلەلەردى تالقىلاپ، ەكى ەل اراسىنداعى ءارتۇرلى فورماتتاعى تىعىز ءوزارا ءىس-قيمىلدى جالعاستىرۋعا نيەتتى ەكەندەرىن راستادى، دەلىنگەن حابارلامادا.
