قازاقستان تاجىكستانمەن ۆاليۋتالىق كەلىسىم توقتاتىلدى، دەپ حابارلايدى "ادىرنا" ۇلتتىق پورتالى.
قازاقستان ۇلتتىق بانكىنىڭ مالىمەتىنشە، ەكى جاقتى كەلىسىم 1999 جىلدىڭ 16 جەلتوقسانىنان بەرى جالعاسىپ كەلەدى. الايدا 25 جىلدان كەيىن كەلىسىم توقتاتىلعان. قۇجات وزەكتىلىگىن جوعالتىپ، سونىڭ ىشىندە تاجىكستانداعى ۇلتتىق ۆاليۋتانىڭ بىرنەشە جىلدار بويى وزگەرۋىنە بايلانىستى ەكەنى بەلگىلى بولدى.
«مەملەكەتتەردە ءتيىستى نورماتيۆتىك-قۇقىقتىق بازانىڭ قۇرىلۋىنا بايلانىستى بۇگىنگى كۇنى حالىقارالىق شارتتىڭ ەرەجەلەرى، ونىڭ ىشىندە شارتتىڭ وزىندە كوزدەلگەن تاجىكستاننىڭ اقشا بىرلىگىنىڭ اتاۋى – تاجىك ءرۋبلى وزەكتىلىگىن جوعالتتى»، - دەلىنگەن ۇلتتىق بانكتىڭ ءباسپاسوز قىزمەتى حابارلاماسىندا.
قر ءسىم كەلىسىمنىڭ توقتاۋىنا قاتىستى پىكىر ءبىلدىردى.
«قازاقستان ۇكىمەتى قازاقستان ۇكىمەتى مەن قر ۇلتتىق بانكى مەن تاجىكستان ۇلتتىق بانكى اراسىنداعى قازاقستان تەڭگەسىنىڭ ايىرباس باعامىن ءوزارا ايىرباستاۋدى جانە تۇراقتاندىرۋدى قامتاماسىز ەتۋ شارالارى تۋرالى كەلىسىمدى دەنونساتسيالادى (كەلىسىمنەن رەسمي تۇردە باس تارتتى)»، - دەلىنگەن ءسىم جاۋابىندا.
كەلىسىم بويىنشا تاراپتاردىڭ بارلىق مىندەتتەمەلەرى ورىندالعان. ايىرباستاۋ جانە ايىرباس باعامىن تۇراقتاندىرۋ ماسەلەلەرى «ۆاليۋتالىق رەتتەۋ جانە ۆاليۋتالىق باقىلاۋ تۋرالى» زاڭمەن رەتتەلەدى.
