قازاقستاننىڭ ۇجىمدىق قاۋىپسىزدىك شارتى ۇيىمى جانىنداعى تۇراقتى وكىلى مارات سىزدىقوۆ ۇيىمنىڭ تۇراقتى كەڭەسىن باسقارادى. بۇل تۋرالى ۇقشۇ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
بيىل ۇيىم توراعالىعى قازاقستانعا ءوتتى.
«ۇقشۇ تۇراقتى كەڭەسىنىڭ 2024 جىلعى ءبىرىنشى وتىرىسى باستالدى. ۇيىم توراعالىعى بەلارۋستەن قازاقستانعا اۋىسۋىنا بايلانىستى توراعالىق ەتۋدى قازاقستاننىڭ ۇقشۇ جانىنداعى تۇراقتى وكىلى مارات سىزدىقوۆ الدى»، - دەپ جازىلعان حابارلامادا.
ايتا كەتەيىك، مارات سىزدىقوۆ 1966 جىلعى 27 ساۋىردە اقمولا وبلىسىنىڭ ششۋچە قالاسىندا دۇنيەگە كەلگەن.
1991 جىلى ساكەن سەيفۋللين اتىنداعى تسەلينوگراد مەملەكەتتىك پەداگوگيكالىق ينستيتۋتىن، 2006 جىلى رەسەي ءسىم ديپلوماتيالىق اكادەمياسىن بىتىرگەن.
1991-1992 جىلدارى – تسەلينوگراد قالاسىنداعى №7 ورتا مەكتەبى تاريح ءپانىنىڭ مۇعالىمى;
1992-1998 جىلدارى – ساكەن سەيفۋللين اتىنداعى تسەلينوگراد مەملەكەتتىك پەداگوگيكالىق ينستيتۋتىنىڭ جاڭا جانە قازىرگى زامان تاريحى كافەدراسىنىڭ وقىتۋشىسى;
1998-1999 جىلدارى – پرەزيدەنت اكىمشىلىگى تالداۋ جانە ستراتەگيالىق زەرتتەۋلەر ورتالىعىنىڭ ساراپشىسى;
1999-2002 – پرەزيدەنت اكىمشىلىگى قاۋىپسىزدىك كەڭەسىنىڭ ساراپشىسى، تالداۋ ورتالىعىنىڭ سەكتور مەڭگەرۋشىسى;
2002-2010 جىلدارى – قازاقستاننىڭ رەسەيدەگى ەلشىلىگىنىڭ ەكىنشى حاتشىسى، ءبىرىنشى حاتشىسى، كەڭەسشىسى;
2010-2014 جىلدارى – پرەزيدەنت اكىمشىلىگىنىڭ سىرتقى ساياسات ورتالىعى مەڭگەرۋشىسىنىڭ ورىنباسارى;
2014-2019 جىلدارى – قازاقستاننىڭ رەسەيدەگى ەلشىلىگىنىڭ كەڭەسشى-ۋاكىلى;
2019 جىلعى ناۋرىزدان 2022 جىلعى ساۋىرگە دەيىن – سىرتقى ىستەر ۆيتسە-ءمينيسترى;
2022 جىلعى ساۋىردەن باستاپ قازاقستاننىڭ ۇقشۇ جانىنداعى تۇراقتى وكىلى بولعان.
