Qazaqstannyń Ujymdyq qaýipsizdik sharty uıymy janyndaǵy turaqty ókili Marat Syzdyqov uıymnyń turaqty keńesin basqarady. Bul týraly UQShU baspasóz qyzmeti málimdedi, dep habarlaıdy “Adyrna” ulttyq portaly.
Bıyl uıym tóraǵalyǵy Qazaqstanǵa ótti.
«UQShU turaqty keńesiniń 2024 jylǵy birinshi otyrysy bastaldy. Uıym tóraǵalyǵy Belarýsten Qazaqstanǵa aýysýyna baılanysty tóraǵalyq etýdi Qazaqstannyń UQShU janyndaǵy turaqty ókili Marat Syzdyqov aldy», - dep jazylǵan habarlamada.
Aıta keteıik, Marat Syzdyqov 1966 jylǵy 27 sáýirde Aqmola oblysynyń ýche qalasynda dúnıege kelgen.
1991 jyly Sáken Seıfýllın atyndaǵy elınograd memlekettik pedagogıkalyq ınstıtýtyn, 2006 jyly Reseı SIM Dıplomatııalyq akademııasyn bitirgen.
1991-1992 jyldary – elınograd qalasyndaǵy №7 orta mektebi tarıh pániniń muǵalimi;
1992-1998 jyldary – Sáken Seıfýllın atyndaǵy elınograd memlekettik pedagogıkalyq ınstıtýtynyń Jańa jáne qazirgi zaman tarıhy kafedrasynyń oqytýshysy;
1998-1999 jyldary – Prezıdent Ákimshiligi Taldaý jáne strategııalyq zertteýler ortalyǵynyń sarapshysy;
1999-2002 – Prezıdent Ákimshiligi Qaýipsizdik keńesiniń sarapshysy, Taldaý ortalyǵynyń sektor meńgerýshisi;
2002-2010 jyldary – Qazaqstannyń Reseıdegi elshiliginiń ekinshi hatshysy, birinshi hatshysy, keńesshisi;
2010-2014 jyldary – Prezıdent Ákimshiliginiń Syrtqy saıasat ortalyǵy meńgerýshisiniń orynbasary;
2014-2019 jyldary – Qazaqstannyń Reseıdegi elshiliginiń keńesshi-ýákili;
2019 jylǵy naýryzdan 2022 jylǵy sáýirge deıin – Syrtqy ister vıe-mınıstri;
2022 jylǵy sáýirden bastap Qazaqstannyń UQShU janyndaǵy turaqty ókili bolǵan.
