استانا كۇنى. پاندەميادا سوڭعى رەت اتىلعان وتشاشۋ بيىل بولماي ما؟

استانا كۇنىنە وراي وتشاشۋ بولمايدى. بۇل تۋرالى قالا اكىمدىگى مالىمدەدى، دەپ حابارلايدى “ادىرنا” ۇلتتىق پورتالى.

 اكىمدىك مالىمەتىنشە استانانىڭ 25 جىلدىعىنا وراي 100-دەن اسا ءىس-شارا وتكىزۋ جوسپارلانىپ وتىر ەكەن

بيىل قالا كۇنىنە وراي وتشاشۋ بولمايدى. الايدا، قالانىڭ 25 جىلدىعىنا وراي 100-دەن استام ءىس-شارا وتكىزۋ جوسپارلانۋدا. ونىڭ 90-عا جۋىعى - ەلوردانىڭ بارلىق تۇرعىندارى مەن قوناقتارى ءۇشىن تەگىن، – دەپ جاۋاپ بەردى اكىمدىكتىڭ ءباسپاسوز قىزمەتى. 

سونىمەن قاتار مەرەكە كۇندەرى بىرقاتار الەۋمەتتىك نىسانداردىڭ اشىلۋى، سونىڭ ىشىندە وقۋشىلار سارايى، دەنە شىنىقتىرۋ-ساۋىقتىرۋ كەشەنى، اۋلالار مەن قوعامدىق كەڭىستىكتەر اشىلىپ، ۇلەسكەرلەرگە پاتەرلەردىڭ كىلتتەرى تابىستالادى. 

ايتا كەتەيىك، استانا كۇنىنە وراي قازاقستاندىقتار 6, 7, 8 جانە 9 شىلدەدە دەمالادى.