اتىراۋدا يت شابۋىلىنىڭ سالدارىنان سەگىز جاسار بالا جانساقتاۋ بولىمىنە ءتۇستى. بۇل تۋرالى اتىراۋ وبلىسىنىڭ دەنساۋلىق ساقتاۋ باسقارماسى دا راستادى، دەپ حابارلايدى “ادىرنا” ۇلتتىق پورتالى.
"اتىراۋدا 8 جاسار بالاعا يت شابۋىل جاسادى، ول جانساقتاۋ بولىمىندە. باس جانە اياق تەرىسى جۇلىنعان، تراۆماتيكالىق شوك جاعدايىنداعى بالا وبلىستىق بالالار اۋرۋحاناسىنا جەتكىزىلدى", - دەلىنگەن حابارلامادا.
وقيعا 15 اقپاندا ساعات 19.00-دە بولدى.
"2015 جىلى تۋعان بالا بىردەن جانساقتاۋ بولىمىنە جاتقىزىلدى. وپەراتسيا جاسالدى. جاعدايى تۇراقتى. كۋاگەرلەردىڭ ايتۋىنشا، بالاعا يت شابۋىل جاساعان. ءتيىستى ورگاندار تەكسەرۋدى باستادى", - دەپ حابارلادى اتىراۋ وبلىسىنىڭ دەنساۋلىق ساقتاۋ باسقارماسى.
