وزگەرتۋ ءۇشىن، وزگەرۋ ءۇشىن نە ىستەۋ كەرەك؟ بۇل تۇرعىدا پسيحولوگتار سىزگە قانداي اقىل ايتادى؟ بىلگىڭىز كەلە مە؟ وندا سۋرەتتەگى التى المانىڭ بىرەۋىنە قول سوزىڭىز.
1-الما
قيىندىقتى، باقىتسىزدىقتى سالماقتى قابىلدايسىز. باسىڭىزدى بۇلت شالا قالسا كەيبىرەۋلەر سەكىلدى ەڭسەڭىز ءيىلىپ ومىردەن تۇڭىلمەيسىز. ءومىر الدىڭىزعا توسقان توسقاۋىلدان، سىناقتاردان وڭاي وتە الاسىز. اينالاڭىزداعى ادامداردىڭ پىكىرى ءسىز ءۇشىن – بوس اڭگىمە. ءوزىڭىزدىڭ «ادرەسىڭىزگە» باعىتتالعان جاعىمسىز پىكىر مەن وسەك ءسوزدى ەلەمەيسىز. پسيحولوگ مامانداردىڭ بولجاۋىنشا، مۇنداي ادامداردى تىم اقىلدى نەمەسە تىم اقىلسىز دەۋگە بولادى ەكەن.
پسيحولوگ كەڭەسى: «الما اعاشىنان الىس تۇسپەيدى. ايتقان سىن شىن بولعانىمەن، تۇزەلەتىندەر از. تىم تۋراشىل بولماڭىز. تۋراسىن ايتىپ، تۋعانىڭىزعا دا جاقپايسىز بەتكە ايتاتىن تىك مىنەزىڭىزدى وزگەرتىڭىز».
2-الما
ەنەرگياسى مول، شىدامسىز جانسىز. ءسىزدىڭ دۇشپانىڭىز – بىرسىدىرعىلىق، بىرقالىپتىلىق. بىرىنە-ءبىرى ۇقساعان كۇندەر جالىقتىرادى. سونداي كۇندەردى وزگەرتكىڭىز كەلەدى، ويتكەنى، قىزىقتى وقيعالار سىزگە شابىت بەرەدى. ادام ومىرگە ءبىر-اق رەت كەلەدى دەپ، بارلىعىنىڭ ءدامىن تاتىپ كورگىڭىز كەلەدى. ءسىز ءۇشىن ءبارى تاجىريبە. ءتىپتى، وتباسى قۇرۋعا دا سولاي قارايسىز.
پسيحولوگتىڭ كەڭەسى: «الما پىسكەن سوڭ ءوزى جەرگە تۇسەدى، كۇتە ءبىلىڭىز. پىسپەي جۇلىپ العان سوڭ ارينە، ءبارى دە ءسىز ءۇشىن ءدامسىز، قىزىقسىز. ۇستامدىلىققا، سالماقتىلىققا ۇيرەنىڭىز».
3-الما
اينالاڭىزداعىلار ءسىزدى ەشكىمگە ۇقسامايتىن ەرەكشە جان دەپ سانايدى. اقىل مەن كەڭەس سۇرايدى، قۇرمەتپەن جانە قىزىعۋشىلىقپەن قارايدى. ناقتىراق ايتقاندا، ولار ءۇشىن ءسىز بىلمەيتىن نارسە جوق، داناسىز. شىن مانىندە بۇل وزگەنى وزىڭىزگە تارتىپ تۇراتىن تابيعات سىيلاعان ماگنيتتىك قاسيەت عانا. ايتكەنمەن، بۇل قاسيەتتى دامىتىپ، دۇرىس پايلانا بىلسەڭىز، كوزىڭىز جەتكەنمەن، اياعىڭىز جەتپەگەن كوپ بيىكتەرگە شىعا الاسىز.
پسيحولوگتىڭ كەڭەسى: «الما اعاشى جەمىستى كوپ سالعان سايىن بۇتاقتارى تومەن يىلەدى. قۇرمەتتەۋ باسقا دا قۇرمەتكە لايىق بولۋ ءبىر باسقا. ەشقاشان استامشىلىق تانىتپاڭىز».
4-الما
از سويلەپ، كوپ تىڭدايتىن وتە قىراعى ادامسىز. الدىڭىزدا سويلەپ وتىرعان ادامنىڭ ءسوزىنىڭ عانا ەمەس، ءار قيمىلىنىڭ استارىنا ۇڭىلەسىز. ۋاقىتىڭىزدىڭ كوپ بولىگىن ءوزىڭىزدى دامىتۋعا، ومىرىڭىزگە قاجەتتى كىتاپتاردى وقۋعا ارنايسىز. قارىم-قاتىناستا ۇستامدى، سالماقتىسىز، ىنجىقتىق تا جوق ەمەس. تەك وزىڭىزگە ەڭ جاقىن ادامدار ورتاسىندا عانا ءوزىڭىزدى ەركىن سەزىنە الاسىز.
پسيحولوگتىڭ كەڭەسى: «وقىعانىڭىز بەن بىلەتىنىڭىز كوپ بولعانىمەن، ونى قاجەتىڭىزگە جاراتا الماساڭىز، پايداسى جوق. كورسەتپەسەڭىز ەشكىم كورمەيدى. اشىق بولىڭىز».
5-الما
ءومىر كەرەمەت – بۇل ءسىزدىڭ ومىرلىك دەۆيزىڭىز. وزگەنىڭ جەتىستىگىنە شىن كوڭىلمەن قۋانا الاسىز. ءتىپتى، ءسىز جاۋعان جاڭبىرعا، كۇنگە قاراپ تا قۋانىپ، ومىردەن ءلاززات تابا الاسىز. كوڭىلى اق، جۇرەگى تازا ادامسىز. ءسىزدىڭ رياسىز كۇلكىڭىزدىڭ ءوزى اينالاڭىزداعى ادامدارعا قۋانىش سىيلاي الادى. ءبارىن-ءبارىن قۋانتقىڭىز كەلەدى-اۋ. بىراق بۇل مۇمكىن ەمەس.
پسيحولوگ كەڭەسى: «قۇرت ءتاتتى الماعا تۇسەدى. كەيدە قىشقىلداۋ دا بولا ءبىلىڭىز».
6-الما
ادامدارعا ساقتىقپەن قارايسىز، سەنبەيسىز جانە ەشكىمگە سىرىڭىزدى دا ايتا بەرمەيسىز. ۇشقىر وي، مىقتى ەستە ساقتاۋ قابىلەتى ۇشتاسقان جانسىز. كەز كەلگەن نارسەنىڭ، جاعدايدىڭ ۇساق دەتالدارىنا دەيىن كوز الدىڭىزدا «جاتتاپ» قالا الاسىز. بۇل ءسىزدىڭ ەرەكشەلىگىڭىز. الايدا بۇنىڭ جامان جاعى دا بار، رەنىش پەن وكپەنى ۇزاق جىل ۇمىتا الماي جۇرەسىز. ءسىزدى وكپەشىل، كەكشىل، شاعىمدانعىش ادامدار توبىنا قوسۋعا دا بولادى.
پسيحولوگ كەڭەسى: «جەرىنە قاراي جەمىسى. ادامنىڭ بارىنەن وزىڭىزگە ۇناعان قاسيەتتى ىزدەپ اۋرەلەنبەڭىز. ءار ادامدى سول قالپىندا قابىلداۋعا ۇيرەنىڭىز». كونفۋتسي «اسا اقىلدىلار مەن اسا اقىماقتار عانا وزگەرمەيدى» دەيدى. ءسىز قايسىسىنا جاتاسىز؟ ەگەر، بۇل ەكى توپقا دا كىرمەيتىن بولساڭىز، وندا پسيحولوگ كەڭەسىن ورىنداپ، مىنەزىڭىزدى وزگەرتەتىنىڭىز انىق. وزگەرۋگە، وزگەرتۋگە ارەكەت ەتىڭىز. اعاش ەكپەي جەمىس بەرمەس، ءىس بىتپەي جەڭىس كەلمەس!
ج. نۇرابايقىزى،
ERNUR.KZ
