باتىس قازاقستان وبلىسى اقجايىق اۋدانى بازارشولان اۋىلىندا جوعالىپ كەتكەن 18 جاستاعى ستۋدەنتتىڭ دەنەسى وزەننەن تابىلدى، دەپ حابارلايدى “ادىرنا” ۇلتتىق پورتالى.
"موي گورود" باسىلىمىنىڭ حابارلاۋىنشا، ستۋدەنتتىڭ دەنەسى جايىق وزەنىنەن تابىلدى.
“25 تامىزدا ەراسىل تولەۋعاليدىڭ دەنەسىن سۇڭگۋىرلەر جايىق وزەنىنەن الىپ شىقتى. ول سۋعا كيىممەن تۇسكەن، - دەلىنگەن حابارلامادا.
ايتا كەتەيىك، كوللەدجدىڭ 3-كۋرس ستۋدەنتى ەراسىل تولەۋعالي دەمالىس كەزىندە اقجايىق اۋدانىنداعى تۋىستارىنا ءۇي شارۋاسىنا كومەكتەسۋگە بارعان. ستۋدەنت جىگىت بازارشولان اۋىلىنىڭ جانىنداعى قىدىرباي قىستاۋىندا بولعان. الايدا 21 تامىزدا قىستاۋداعى ءشوپ ورتەنىپ، ەراسىل تۋىستارىمەن بىرگە مالدى الىس جەرگە ايداۋعا شىققان. ارتىنان ىنىلەرىن ۇيگە قايتارعان ول سول كۇيى قايتىپ كەلمەگەن.
“ادىرنا” ۇلتتىق پورتالى
