Танымал қақпашы Шерхан Қалмырза Еуропа чемпионатының іріктеу кезеңіндегі Украинамен матчта алаңнан шығарылды, деп хабарлайды "Адырна" ұлттық порталы.
Бірінші таймның 29-минутында қақпашы Шерхан Қалмырза украин ойыншысына айып алаңынан тыс фол жасағаны үшін тікелей қызыл белгі алды.
Осыдан кейін украиндық команда сандық артықшылықты пайдаланып, ойынның 44-ші минутында гол соқты. Екінші таймда Украина құрамасы тағы екі мәрте Қазақстан қақпасына гол салды. Нәтижесінде матч 0:3 есебімен аяқталды.
Бұл ойыннан кейін Украин командасы топта 6 ұпаймен бірінші орынға көтерілді, ал Қазақстан құрамасы 3 ұпаймен екінші орынға жайғасты. Іріктеу кезеңінің соңғы матчында Қазақстан құрамасы Солтүстік Ирландиямен кездеседі, ал Украина Румынияға қарсы ойнайды. Матчтар 31 наурызда өтеді.
