الەم بويىنشا جەر ساعاتى اكتسياسى وتەدى، دەپ حابارلايدى "ادىرنا" ۇلتتىق پورتالى.
جىل سايىن وتكىزىلەتىن بۇل باستاما قورشاعان ورتانى قورعاۋ ماسەلەلەرىنە قوعام نازارىن اۋدارۋعا باعىتتالعان.
اكتسيانىڭ باستى شارتى – كەز كەلگەن ادام ءوز ۇيىندە نەمەسە جۇمىس ورنىندا جارىقتى 60 مينۋتقا ءسوندىرۋ ارقىلى قاتىسا الادى. الايدا مامانداردىڭ ايتۋىنشا، «جەر ساعاتىنىڭ» نەگىزگى ءمانى ەلەكتر ەنەرگياسىن ۇنەمدەۋدەن دە كەڭ. باستى ماقسات – جاھاندىق ەكولوگيالىق پروبلەمالار تۋرالى قوعامنىڭ حاباردارلىعىن ارتتىرۋ.
ەكولوگتار قازىرگى تاڭدا كليماتتىڭ وزگەرۋى، بيوالۋانتۇرلىلىكتىڭ ازايۋى، اۋا مەن سۋدىڭ لاستانۋى سياقتى ماسەلەلەر ادامزات الدىندا تۇرعان نەگىزگى قاۋىپتەردىڭ ءبىرى ەكەنىن اتاپ وتەدى. وسى تۇرعىدا «جەر ساعاتى» اكتسياسى ادامدارعا تابيعاتتى قورعاۋدىڭ ماڭىزدىلىعىن ەسكە سالادى.
اكتسياعا قاتىسۋ ءۇشىن كۇردەلى ارەكەتتەر قاجەت ەمەس: بەلگىلەنگەن ۋاقىتتا جارىقتى ءسوندىرىپ، ءبىر ساعاتتى ەلەكتر قۇرىلعىلارىنسىز وتكىزۋ جەتكىلىكتى. سونىمەن قاتار، ۇيىمداستىرۋشىلار بۇل ۋاقىتتى وتباسىمەن بىرگە وتكىزۋگە نەمەسە تابيعات تۋرالى ويلانۋعا ارناۋعا كەڭەس بەرەدى.
