مەملەكەت باسشىسى قاسىم-جومارت توقاەۆ 20 قاڭتاردا وتەتىن ۇلتتىق قۇرىلتايدىڭ V وتىرىسىندا ءسوز سويلەيدى. بۇل جونىندە پرەزيدەنتتىڭ كومەكشىسى – ءباسپاسوز حاتشىسى رۋسلان جەلدىباي مالىمدەدى، دەپ حابارلايدى «ادىرنا» ءتىلشىسى.
«سىر بويىنداعى جيىندا پرەزيدەنت قاسىم-جومارت توقاەۆ ءسوز سويلەپ، قازاقستاننىڭ كەلەشەك دامۋ باعدارى مەن قوعامداعى وزەكتى ماسەلەلەر تۋرالى ويلارىن ورتاعا سالادى»،- دەپ جازدى ول.
ەسكە سالايىق، مەملەكەت باسشىسى 2022 جىلدىڭ ماۋسىم ايىندا ۇلتتىق قۇرىلتاي قۇرۋ تۋرالى شەشىم قابىلداعان ەدى. پرەزيدەنت جانىنداعى بۇل كونسۋلتاتيۆتىك-كەڭەسشى ورگاننىڭ نەگىزگى ماقساتى – ەلدىڭ دامۋ باعىتىن ايقىندايتىن وزەكتى ماسەلەلەردى تالقىلاۋ.
بۇعان دەيىن قۇرىلتايدىڭ العاشقى ءتورت وتىرىسى ۇلىتاۋ، تۇركىستان، اتىراۋ جانە بۋرابايدا وتكەن.
ۇلتتىق قۇرىلتايدىڭ باستاماسىمەن بىرقاتار ماڭىزدى زاڭنامالىق باستامالار قابىلدانعان. ولاردىڭ قاتارىندا ايەلدەردىڭ قۇقىقتارىن نىعايتۋعا جانە بالالاردىڭ قاۋىپسىزدىگىن قامتاماسىز ەتۋگە باعىتتالعان زاڭدار، ۆەيپتەر ساۋداسىنا تىيىم سالۋ، سونداي-اق مەملەكەتتىك ناگرادالار مەن ونوماستيكاعا قاتىستى زاڭدار بار.
ساراپشىلار قىزىلورداداعى قۇرىلتايدا زاڭ شىعارۋشى ورگانگا قاتىستى جالپىۇلتتىق رەفەرەندۋم وتەتىن كۇن جاريالانادى دەپ بولجاپ وتىر.
